زينة تعترف : أنا بحب أبو ولادي ومينفعش أقول غير كده
اعترفت الفنانة زينة أنها ما زالت تحب طليقها الفنان أحمد عز،وذلك خلال استضافتها في برنامج حبر سري.
وقالت زينة: الوسط الفني مفيهوش واسطة وفي ناس بتستخدم الوسطة على طول ومش بيزهقوا، ونهاد رمزي ساعدتني في البداية وزقتني.
وتابعت: أنا مش كرهها الجواز ولا اتعقدت والواقع إني عندي مسئولية ومش فاضية ومش عندي رفاهية إني أحب واخرج ومش عندي حاجة اديها لأي حد ووقتي كله لولادي أو شغلي وحياتي كلها عيالي ولو عندي وقت هديه لنفسي لان أنا أهم وبحارب في دنيا كلها حروب والأول ولادي وبعديهم نفس واللي هيجي هياخد ايه.
وأضافت: أنا بحب أبو ولادي ومينفعش أقول إني مش بحبه حتى لو هو مش موجود ومينفعش أقول أنا بحب حد تاني لأن ولادي لما يكبروا مش هيسمحوني، وأنا عشان خاطر ولادي أعمل أي حاجة في العالم.
ووجهت زينة رسالة للمتدخلين بينها وبين أحمد عز: "أي حد داخل بينا هو خارج.. والسنين هتلف ولو وقعت في أزمة هو هييجي عشان أولاده، منوهة بأنه راجل كويس ومحترم وتكفل بأولاده ولا يجب أن يُكتب عن هذا الموضوع مرة أخرى، حيث إن الموضوع شخصي ويجب التزام الصمت فيه.
واستكملت "محدش يقول رأيه انتو مين كل اللي بيتدخل في حياتنا مش عارفين الحقيقة وإحنا مصدرناش المشكلة للإعلام لكن هو اللي تدخل".
واختتمت: آخر شيء أنتي وهو وهي محدش ليه دعوة بينا.. هو راجل محترم وأنا ست محترمة.
