قدراته غير عادية.. محمد سامي يكشف سر نجاحه الدائم مع محمد رمضان
تحدث المخرج محمد سامي، عن سر نجاح وصدارة ثنائيته المتكررة مع الفنان محمد رمضان، وذلك خلال حواره مع برنامج et بالعربي.
وقال محمد سامي: بيني أنا ومحمد رمضان كيميا واستيعاب أفكار بعض مش كل الممثلين أقدر أطلب منهم نفس الطلبات اللي بطلب من رمضان أنه يعملها في التمثيل لأنه قدراته غير عادية، وأنا معايا ممثل بالشكل دا بكتب وأنا مرتاح ومحمد بيجد معايا الحاجة اللي بيبحث عنها وبيسلم وبيثق في اللي بعمله.
وتابع: أول حاجة قولتها لمحمد رمضان عن الشخصية أنه "جنتلمان شعبي" كنت ببني شخص مبني على فكرة التناقضات وهو فيه العادات اللي تخلي الناس تتوحد مع الشخصية يقدس العائلة.
وعن أفضل ممثل في مصر في الفترة الحالية، قال: محمد رمضان أشطر ممثل في مصر ومش عايز حد يبقى زعلان من اللي بقوله لكن الحقيقة محمد قدراته التمثيلية مش عادية في ممثلين كتير وكلهم لا يستهان بهم لكن هبقى دايما منحاز لمحمد رمضان لأن أكبر نجاحاتي معاه ومفيش مرة اعتمدت عليه وخذلني وبقول دايما بدي لمحمد سنتيمتر يرجع متر.
مسلسل "جعفر العمدة"
يشارك في بطولة مسلسل "جعفر العمدة" محمد رمضان، زينة، إيمان العاصي، هالة صدقي، مي كساب، أحمد داش، منة فضالي، هيدي كريم، فريدة سيف النصر، تامر عبد المنعم، طارق الدسوقي، ومن تأليف وإخراج محمد سامي وشارك في السيناريو والحوار مهاب طارق وإنتاج شركة ميديا هب سعدي - جوهر.
