ريهام عبد الغفور تكشف سبب امتناعها عن تقديم أدوار الإغراء
كشفت الفنانة ريهام عبد الغفور، عن سبب عدم تقديمها أدوار إغراء خلال مشوارها الفني.
وقالت ريهام عبد الغفور خلال لقائها في برنامج "أنا والقناع"، الذي تقدمه الإعلامية منى عبد الوهاب عبر قناة الحياة: " لما ما رفضت أدوار الإغراء ولبس المايوه كنت طفلة، ولا زلت عند رأيي لكن لأسباب أخرى".
ريهام عبد الغفور: أمي متزمتة ومحتفظة جدًا
تابعت: أمي متزمتة ومتحفظة جدا، وده كان طلبها، لكن قناعتي الشخصية كنت أتمنى أقدر أقدم كل الأدوار، لأن الفنان اللي بيعملهم بيقدر يقدم مني للفن.
وعن سؤال هل سترفض دورا مهما الآن لو تضمن الظهور بمايوه، قالت: "هحاول أتكلم في الموضوع وزاوية تصوير المشهد".
وأضافت: المجتمع بقى يحكم على الفنان من شكله ولبسه أكثر من شخصيته، وأنا اخترت رضا أمي.
واستكملت: بقينا متحفظين أكتر في الدراما والمجتمع بيحكم عليا من شكلي ولبسي وممكن الناس متهمنيش بس أمي تهمني لان أمي حاجة زي دي تضايقها وتزعل أوي ومش عايزة في النهاية اضايقها وازعلها وهختار رضاها في الأخر.
واختتمت حديثها في هذا السياق، قائلة: والدتي دلوقتي بقت متهمة اكتر ومرنة وكمان بتتخانق معايا زمان لو عملت دور راقصة وهي ودانية شوية لو واحدة صاحبتها كلمتها تبقى مشكلة دلوقتي فهمتني وفهمت شخصيتي واختياراتي.
ريهام عبد الغفور في رمضان 2023
وعلى الجانب الأخر، يعرض لـ ريهام عبد الغفور، خلال موسم رمضان الحالي مسلسل "رشيد" ويشاركها البطولة محمد ممدوح، و هو من تأليف وسام صبري، وإخراج مي ممدوح، ومن إنتاج E producers عبد الله أبو الفتوح.
