لوسي: ربنا كاتبلي إن أكون رقاصة.. واشتغلت في الافراح وأنا عندي ١١ سنة
بتصريحات جريئة استطاعت الفنانة لوسي أن تشغل عقول المتابعين في الوطن العربي، وذلك عقب حديثها في برنامج العرافة مع الإعلامية بسمة وهبة.
ويستعرض موقع جريدة "الأموال" أبرز تصريحات "بوسي" في البرنامج الرمضاني "العرافة".
لوسي: أنا مش بعمل بجاحة ده رقص
وخلال الحلقة عرضت بسمة تصريح بوسي في برنامج أخر عن إنها لا تخشى الموت مرتدية بدلة رقص وأن هذه المهنة تفعلها في العلن وليس هناك ما تخفيه، لترد الأخيرة: أنا مش بعمل بجاحة أنا بعمل حاجة الدنيا كلها شايفاها، مش تحت أو فوق السرير، بعمل حاجة في العلانية، زي ما الدكتور بيلبس البالطو بتاعه، والكناس في الشارع بيلبس لبسه.
لوسي: اشتغلت في الافراح وأنا عندي ١١ سنة
وتابعت: إحنا بنشتغل مهنة في النور بلدي معترفة بيه والرقص مرسوم على جدران معابد قدمائنا المصريين، ونصيبي أني أبقى رقاصة وأكل من الرقص، أنا حابة الفن واشتغلت في الافراح وأنا عندي ١١ سنة.
وأضافت: وأنا مندمتش عشان معملتش حاجة غلط، أنا عملت حاجة العالم كله بيحبها وبيقدرها، اشتغلت في سن صغير عشان كان عندي ظروف وسيبت المدرسة عشان أجيب أكل لأسرتي، بس ربنا أداني تمن حلو الناس بتحبني وبحب الفن.
واختتمت لوسي حديثها في هذا السياق، قائلة: "نصيبي كده ومكتوب على جبيني إني هبقى رقاصة، واشتغل في الأفراح الشعبية لحد ما أكبر شوية، وأبقى كومبارس وبعدين أبقى ممثلة وبعدين أبقى نجمة وبطلة ومشهورة".
لوسي في رمضان 2023
وعلى الجانب الآخر، تشارك لوسي في السباق الرمضاني الجاري 2023، من خلال مسلسل المداح 3، ويشارك في بطولته حمادة هلال، هبه مجدي، يسرا اللوزي، خالد زكي، محمد رياض، رانيا فريد شوقي، لوسي، خالد سرحان، عبدالعزيز مخيون، أحمد ماهر، دنيا عبدالعزيز، حنان سليمان، تامر شلتوت، صبحي خليل، تأليف أمين جمال، إخراج أحمد سمير فرج.
