الأموال
الإثنين 31 مارس 2025 09:46 صـ 1 شوال 1446 هـ
الأموال رئيس مجلس الإدارة ورئيس التحريرماجد علي

فنون

”حاسة بالوحدة”.. مي سليم تكشف عن رغبتها في الزواج

مي سليم
مي سليم

كشفت الفنانة مي سليم، عن رغبتها الشديدة بالزواج، موضخه إنها تشعر بالملل من الوحدة.

وقالت مي سليم خلال حوارها ببرنامج "العرافة"، مع الإعلامية بسمة وهبة، على قناة المحور : "والدي توفي في اليوم الأربعين من عمري، والموضوع كان مضايقني لأن ماما كانت لوحدها، عشت دور الرجل والست كتير وزهقت من الدور ده ".

مي سليم تكشف تفاصيل المشاكل التي حدثت بينها وبين طليقها الأول

وعن تفاصيل المشاكل التي حدثت بينها وبين طليقها الأول، قالت: أنا لفترة معينة كان فيه مشاكل كبيرة، والمشاكل اتحلت وكل حاجة رجعت كويسة، وكان فيه فترة فيه بينا مشاكل ودلوقتي على وفاق بس مش ممكن نرجع لبعض، احنا دلوقتي أصدقاء مش أخوات.

وأضافت : مفيش واحدة بتاخد خطوة الخلع إلا لو كان فاض بيها، مرضيش يطلقني، وكان بيحبني، وعايز يرضيني وكانت الظروف أقوى من الحب دا يكمل.

وواصلت مي: حصلت غيرة في فترة وكان عايز يرجع، وعملتله محضر عدم تعرض، فضلنا في مشاكل طويلة قعدت سنين، ووقتها كان السلام أننا نبعد عن بعض، ومكانش فيه لغة حوار بيني وبينه.

وأوضحت: أنا مش شخصية مستفزة ومش بحب المشاكل، وممكن الهدوء دا هو اللي كان منرفزه، وهو دلوقتي أتغير خالص وعقل، ومش متجوز، وأتمنى يقابل بنت الناس اللي تريحه، وممكن أجيبله عروسة.

مي سليم : اتطلقت من جوزي التاني بعد ١٠ أيام جواز

واتجه الحديث عن زوجها الثاني ومنشوره عقب طلاقهما، حيث قالت : البيوت أسرار، البني آدمة دي كانت على ذمة راجل ومفيش راجل يطلع يكشف أسرار بيته، والناس اتخضت وقالت إزاي يعمل كدا، الصغير والكبير قال عيب.

وتابعت: أنا اصريت على الانفصال، وهو كان مرحب بالانفصال بس هو اتخض من سرعة القرار.. عرفنا بعض ٣ شهور.. كلها كانت تجربة سيئة، وكلامه ضايقني واتضايقت عشان خاطر بنتي، وكل حاجة ربنا بيعملها خير، والمشكلة بينا حصلت من أول يوم.. مفيش حاجة ممكن تنتهي في ١٠ أيام الا لما يكون السبب قاسي.

واستكملت : مكنش نفسي أنفصل في المرة الأولى أو الثانية، كان نفسي أعيش في سلام، ومشجعش حد على الانفصال لانه صعب جدا، وبعترف أني تعبت كثيرا، ولما انفصلت في المرة الأولىمكنش معايا 20 ألف جنيه، واضطريت أنقل من الغنا للتمثيل".

مي سليم: نفسي أتجوز

وأتمت: أنا مستعدة للجوازة التالتة ونفسي تبقى تابتة، عشان زهقت من الوحدة ولو ربنا كرمني برجل يا ريت ياخد باله مني ويراعي ربنا، إحنا كبرنا وعقلنا، الطلاق حاجة صعبه جدا.

أعمال مي سليم

وعلى الجانب الأخر، طرحت مي سليم، أحدث أغانيها مؤخرًا عبر قناتها الرسمية على موقع الفيديوهات يوتيوب، حيث تحمل الأغنيه اسم "يا بنتي"، وهي من كلمات الشاعر محمود عبد الله ومن تلحين محمدي ووزعها أحمد أمين وهي من إنتاج آلاء لاشين، حيث تعد هذه الأغنية هي ثاني تعاون بعد نجاح العمل الفني السابق "إحنا كبنات".

يذكر أن مي سليم تشارك في الموسم الرمضاني 2023، بـ مسلسل تلت التلاتة، بطولة: غادة عبد الرازق، محمد القس، ليلى أحمد زاهر، مصطفى دوريش، صلاح عبدالله، وآخرين، والعمل من تأليف هبة الحسيني، وإخراج حسن صالح.

أسعار العملات

متوسط أسعار السوق بالجنيه المصرى27 مارس 2025

العملة شراء بيع
دولار أمريكى 50.5291 50.6291
يورو 54.4906 54.6035
جنيه إسترلينى 65.3544 65.4888
فرنك سويسرى 57.1532 57.2922
100 ين يابانى 33.4741 33.5448
ريال سعودى 13.4705 13.4979
دينار كويتى 163.7738 164.2044
درهم اماراتى 13.7554 13.7853
اليوان الصينى 6.9545 6.9694

أسعار الذهب

متوسط سعر الذهب اليوم بالصاغة بالجنيه المصري
الوحدة والعيار سعر البيع سعر الشراء بالدولار الأمريكي
سعر ذهب 24 5006 جنيه 4983 جنيه $99.12
سعر ذهب 22 4589 جنيه 4568 جنيه $90.86
سعر ذهب 21 4380 جنيه 4360 جنيه $86.73
سعر ذهب 18 3754 جنيه 3737 جنيه $74.34
سعر ذهب 14 2920 جنيه 2907 جنيه $57.82
سعر ذهب 12 2503 جنيه 2491 جنيه $49.56
سعر الأونصة 155695 جنيه 154984 جنيه $3082.94
الجنيه الذهب 35040 جنيه 34880 جنيه $693.83
الأونصة بالدولار 3082.94 دولار
سعر الذهب بمحلات الصاغة تختلف بين منطقة وأخرى