مي سليم تكشف موقفها من الزواج للمرة الثالثة

كشفت الفنانة مي سليم، عن فكرة الزواج للمرة الثالثة، وإذا كانت تعيش قصة حب في الوقت الحالي.

وقالت مي سليم خلال حوارها اليوم ببرنامج “واحد من الناس”، مع الإعلامي عمرو الليثي: "فكرت اتجوز للمرة التالتة، مش قافلة الباب، يعني فيه ناس يقولوا اللي عملها مرة ميعملهاش تاني، أنا شخص بيتوتي جدًا، وبحب الأسرة أوي، وبحب يكون معايا حد شريك حياتي يكمل معايا حياتي".

مي سليم: زواجي الثاني استمر 10 أيام ولا مانع للزواج مرة أخرى

وأضافت مي سليم: "الفكرة موجودة، وأول ما ابن الحلال يظهر هتلاقوني على طول.. أول جوازة استمرت لمدة سنتين أو سنة ونص، والتانية 10 أيام، والـ 10 أيام كتير وقليلين في نفس الوقت، واحنا الاتنين اخدنا قرار كنا متسرعين فيه".

مي سليم: نفسي أخلف تاني

وتابعت : "كان نفسي يكون لبنتي لي لي أخ، وليه لا، ونفسي أخلف تاني، وأنا وبنتي صحاب جدًا جدًا، والمرة الجاية لو فكرت اتجوز أكيد هيكون احنا الاتنين بناخد القرار مع بعض، ومفيش حاجة قريب".

آخر أعمال مي سليم

يذكر أن آخر أعمال مي سليم مسلسل "دنيا تانية" بطولة ليلى علوي، ونورهان، وأحمد عزمي، وفراس سعيد، وأشرفزكي، ووفاء صادق، وإخراج أحمد عبد العال.