سامح حسين للجمهور: يارب أكون دايماً عند حسن ظنكم

وجه الفنان سامح حسين رسالة شكر لجمهوره، عبر حسابه بموقع التواصل الاجتماعي فيسبوك، وذلك بعد تصدره التريند خلال الأيام الماضية، بعد تصريحاته الأخيرة.

وكتب سامح حسين لجمهوره: كَمّ الحب إللى شعرت بيه الكام يوم اللى فاتوا مش قادر أوصفه بالكلمات، حقيقى فضل كبير من ربنا ... شكراً ليكم جميعاً لدعواتكم الطيبه المخلصة ودعمكم يا أجدع ناس و3.

أصعب اللحظات في حياة سامح حسين

وكان سامح حسين حل ضيفًا على الإعلامي عمرو الليثي ببرنامج "واحد من الناس" المذاع عبر قناة الحياة، وتحدث عن أصعب مواقف في حياته، قائلا: "وفاة والدتي هزتني ووجعت قلبي، توفيت وهي عمرها 49 سنة بعد ما جالها السرطان، وفضلت 7 شهور بعد وفاتها أتمنى إني أموت".

وتابع:" والدتي قعدت 6 شهور في المستشفيات، وأنا كنت ساعتها شخص قليل الحيلة ومازلت، و لفينا مستشفيات كتيرة أوي ومكنش معانا فلوس، ولما كانت بتعوز كيس دم مكنتش بلاقي فلوس أجيبهولها، وفي أخر أيامها الدكتور قالي دي في خلال أسبوعين هتتوفى، فكانت حالة ربنا ما يوريها لاي حد".

وواصل : "بعد وفاة والدتي توفي شقيقي أحمد وعمره 19 سنة تقريبا، وإخواتي أنا اللي مربيهم ومعلمهم، وده بسبب الانفصال بين الوالد والوالدة".

سامح حسين يكشف عن أول عمل في حياته

كما تحدث سامح حسين عن أول عمل في حياته، قائلا: كنت في الثانوية وكنت دايما بشتغل ما بين الإجازات، فكنت بشتغل على واجهة بتاعت عمارة، وطلعنا في الدور الـ 17، على سقالة، واللي قصادي ضخم وأنا نحيف، فهو بيطلع بسرعة، وأنا بطلع ببطء، وفجاة السقالة نزلت حوالي 5 سم و لما نزلت كان قلبي واقع وشعري طئطئ أبيض، أنا بصبغ شعري من ثانوية عامة بسبب النقاشة، وياما اتكهربت، وكنت مسرف جدا، لكن خلاص اكتشفت أنا مش هعيش دايما الفلوس اللي بتجيلي اصرفها في ثواني، وبعدين أقوم مايل على صحابي أو على خالي عشان أخد فلوس، فقولت خلاص ألم نفسي، لكن كنت مسرف جدا.

أخر أعمال سامح حسين

يذكر أن سامح حسين ينتظر عرض فيلمه الجديد "ساندوتش عيال"، ويشاركه البطولة نور قدري، إيمان السيد، إبرام سمير، وهو من تأليف طارق رمضان، وإخراج هاني حمدي، ومن إنتاج أحمد السبكي.