شيرين رضا: كنت مبسوطة لما أبويا مات

تحدثت الفنانة شيرين رضا عن الأيام الأخيرة في عمر والدها الفنان محمود رضا، وذلك خلال حوارها اليوم ببرنامج ab talks مع الإعلامي أنس بوخش.

وقالت شيرين رضا: اصعب لحظة في حياتي كانت فراق أبويا، هو كان عيان لحوالي 10 سنين ومحمود رضا كان شخص رياضي جدا .. شارك في الالعاب الرياضية والاوليمبية في هيلسينكي وكان بيلعب سباحة وغوص ودة سبب اني اتعلمت منه كل الحاجات دي .

وتابعت: عمره ما كان بيستعمل الاسانسير .. بيطلع على رجله ويمشي ويلعب سكواش، كان عنده 56 سنة وكان لسة بيلعب اسكواش مع شباب مراهقين وبعدين الدكتور قاله لأ بلاش سكواش سنك مش مناسب لـ دة.

وأضافت شيرين رضا: وبعدها تعب ومبقاش يقدر يقوم من السرير ومكنتش ببقى قادرة اشوفه في الحالة دي وكنت متأكدة أنه مكنش حابب يشوف نفسه في الحالة دي .. فا كنت بتمناله يمشي لأني مكنتش عاوزة أن نفسه تصعب عليه وأنه يبقى قاعد عارف أنه مش قادر يتكلم أو مش قادر يقوم ولا قادر يجيب حاجة لنفسه ولا قادر ياكل ولا يشرب وأن لازم حد يساعده في الحاجات دي وكنت عاوزاه يخرج من الحالة دي .. نفسياً اكتر من جسدياً .

وأوضحت: وضعه كان صعب جداً ولكن رغم كدة كان صعب جداً جداً لما مشي، كنت مبسوطة .. مش مبسوطة إن أبويا مـات ولكن مبسوطة ليه أنه مفضلش في الحالة دي كتير.

أخر أعمال شيرين رضا

يذكر أن أخر أعمال شيرين رضا مسلسل “وبينا ميعاد” الذي تم عرضه على شاشات التلفزيون في الفترة الأخيرة، وشاركها البطولة صبري فواز، بسمة، مدحت صالح، وفاء صادق، خالد أنور، محمد سليمان، نادية رشاد، داليا شوقي، وعدد من النجوم الشباب، ويتولي انتاجه يسري الفخراني ، ومن تأليف وإخراج هاني كمال.