علا غانم: زوجي احتل بيتي مع مسلحين وضربني

أثارت الفنانة علا غانم جدلا كبيرا خلال الساعات الماضية بعد ان استغاثتها بـ سيدة انتصار السيسي حرم رئيس الجمهورية، والمجلس القومي لمرأة برئاسة الدكتورة مايا مرسي، موضحة أنها تتعرض للعنف والقهر من زوجها عبد العزيز لبيبعبد العزيز لبيب.

وروت علا غانم تفاصيل الأزمة في مداخلة مع الإعلامي عمرو أديب ببرنامج "الحكاية" المذاع عبر قناة MBC مصر، وقالت : يوم الجمعة بعد الصلاة لقيت أحد الغفراء بيقولي انه فيه ناس جاية وكانت عربيات عليها ناس كتير وبيقول ان اللي جايين بيقولو انهم تبعي، وأنا ما أعرفش ولا واحد فيهم.

علا غانم :ضربوني و اعتدوا على أمي

وتابعت: كانوا بيحاولو يقتحموا البوابة عشان يدخلوا الناس و20 بني أدم رجالة وستات كانو كتير جدا، وكل أما أدخل مع حد بيضربوني ويكتموني، وضربوا الغفرا بتوعي بالشوم، وأمي اعتدوا عليها.

واستكملت: الست كانت حاطة وشي في صدرها عشان مطلعش صوت وأما واحد حس إني قربت أموت قالولها كفايا كدة، وكانوا بيمسكوني من الروب ويرموني على الأرض.

علا غانم: البيت بتاعي من زمان من قبل ما اتجوزه

وأضافت: أما روحنا القسم زوجي قال إن البيت بتاعه وهي اللي نطيت من السور واقتحمته، والبيت بتاعي أنا من زمان من قبل ما اتجوزه، وقالولي في القسم يا تتصاحلي وتخليه يعيش في نص البيت يا إما هتفضلي معنا إنتي ومامتك في القسم وأنا رفضت.

ووصلت : كان مستنيني في بيتي وأول ما عرف إني جاية قعد يقول متضربوش عليها نار كان فاكرني جاية لوحدي وضرب الغفرا بتوعي كلهم.

واتمت علا غانم حديثها، قائلة: جوزي قاعد في بيتي دلوقتي مع الناس اللي رموا عليا مولتوف وأنا في حتة مقدرش أقول عليها.