رضوى الشربيني تدعم غادة عبد الرازق: اتجوزت ٩ مرات هي حرة.. هو أنت بتمد إيدك تصرف عليها
حرصت الإعلامية رضوى الشربيني، على دعم الفنانة غادة عبد الرازق، بعد الانتقادات الاذعة التي تلقتها بسبب إعلان طلاقها من زوجها هيثم زنيتا.
وقالت رضوى الشربيني في حلقة برنامجها "هي وبس": "إن شالله تتجوز وتتطلق عشرين مرة.. حلال ربنا ولا مش حلال ربنا.. هي حرة.. واخدينها لبانة ٤٨ ساعة ليه؟".
وتابعت : "عملت ايه غادة عبد الرازق لما اتجوزت واتطلقت.. عاملين فتة ليه.. جنازة وبنشبع فيها لطم ليه.. اتجوزت ٩ مرات هي حرة.. هو أنت بتمد إيدك تصرف عليها؟!".
واضافت: "اختيارات غادة عبد الرازق كانت غلط لأن العمر بيفرق والست اللي بتتجوز وهي صغيرة غير لما بتتجوز وهي كبيرة... ولما بتتجوز وهي فقيرة غير لما تتجوز وهي غنية.. غادة عبد الرازق كانت بتختار غلط لأن كل مرحلة أكيد كان بيبقى عندها احتياج معين لشئ ما فبتشوفه في الشخص دا فبتاخده".
واستطردت: "مش مهم الشخص دا خاين أو غير أمين عليها أو بينفسن من نجاحها.. ايه الغلط اللي غادة عبد الرازق عملته في إنها اتجوزت ٩ مرات واتطلقت.. هل ربنا كاتب على الست عدد معين من الزيجات وبعد كدا الموضوع بيقلب حرام ؟!.. لا".
وكانت غادة عبدالرازق أعلنت انفصالها خلال لقاء أجرته مع كاميرا برنامج ET بالعربي، وقالت: "تم الانفصال بشكل هادئ وراق، بعيداً عن إثارة الجدل والإعلان عبر منصات التواصل الاجتماعي"، وذلك بعد زواج استمر نحو عامين ونصف تقريباً.
ويعد هيثم زنيتا هو الزوج رقم 9 لـ غادة عبدالرازق، إذ بدأت قصة الإرتباط بعدها الزواج أثناء تصوير مسلسلهم الرمضاني سلطانة المعز في رمضان 2020.
آخر أعمال غادة عبدالرازق
يذكر أن آخر أعمال غادة عبدالرازق، مسلسل "لحم غزال"، الذي عرض في رمضان 2021، من تأليف إياد إبراهيم وإخراج محمد أسامة، وشارك فيه مي سليم، شريف سلامة، عمرو عبدالجليل، رحاب الجمل، وفاء عامر، مصطفى أبو سريع، ياسر الطوبجي.
