غادة عبد الرازق تكشف عن سبب عدم ظهورها بالبرامج
كشفت الفنانة غادة عبد الرازق عن سبب عدم ظهورها بالبرامج، وذلك من خلال لقائها مع مجلة What Women Want.
وقالت غادة عبد الرازق: "أنا مبعرفش أقف قدام كاميرا إلا وأنا بمثل بس، أنا خجولة جدًا ومبحبش أظهر كتير والناس بتفتكر إني مش كده لكن الحقيقة إني خجولة جدًا".
وتابعت: "لما بكون ضيفة في برنامج ساعات بكون حادة في الكلام، وده مش بيعجبني، عشان كده بفضل لما أقف قدام الكاميرا أكون في شغلي وبمثل بس مش أى حاجة تانية".
وتحدثت غادة عبد الرازق عن تغيير صناعة السينما بالنسبة للسيدات، قائلة: ""حابة إن الستات ترجع تعمل بطولة مطلقة في السينما، ومتبقاش النجومية محددة على بطل قدام بطلة".
وأضافت: "حابة أن الأيام دي بقى في أعمال أبطالها نجوم كتير، مش قائم على النجم والنجمة، بس أتمنى نرجع نعمل حاجة زي باب الحديد، جعلوني مجرمًا، حاجة ليها هدف وفي نفس الوقت تكون مسلية للناس".
وعلى الجانب الأخر، أعلنت غادة عبد الرازق غيابها عن موسم رمضان القادم بسبب انشغالها بتصوير فيلمها الجديد مع أحمد أدم وبيومي فؤاد.
آخر أعمال غادة عبدالرازق
يذكر أن آخر أعمال غادة عبدالرازق، مسلسل "لحم غزال"، الذي عرض في رمضان 2021، من تأليف إياد إبراهيم وإخراج محمد أسامة، وشارك فيه مي سليم، شريف سلامة، عمرو عبدالجليل، رحاب الجمل، وفاء عامر، مصطفى أبو سريع، ياسر الطوبجي.
