دينا الشربيني تكشف عن دخولها في قصة حب جديدة
أعلنت الفنانة دينا الشربيني عن دخولها قصة حب جديدة رافضة الإفصاح عن هوية الشخص الذي تحبه، أو أي تفاصيل تخص علاقتها.
وقالت دينا خلال حوارها مع الإعلامية جومانا بو عيد عبر شاشة lbc: "أنا عايشة قصة حب حالياً.. أما عن الانفصال مفيش حد بتحبيه هتنساه بسهولة علشان فيه عشرة وتفاصيل كتير لكن لازم كل حد يبقى في حاجة يعرف إن الحاجة دي ممكن تخلص ولو خلصت يبقى ده الأحسن علشان ربنا شايل له الأحسن".
وتابعت: "وأنا عندي الحمد لله حاجة كويسة وهي فكرة الرضا والتأقلم، يعني أنا هقاتل علشان حاجة أنا هقدر أعملها، ولكن مش هقاتل على حاجة خلاص مش هتنفع".
وأضافت : " أنا بحب إحساس الحب جدًا، ودايمًا بقول إن الحب مش معناه حب بين واحد وواحدة أو واحد ومراته، الحب عمومًا بين الناس والأهل والصحاب، فكرة الحب بحبها، وبحب الشغل أوي ولكن لازم يكون فيه توازن، وأنا الحمد لله عايشة حالة التوازن دي".
أعمال دينا الشربيني
وعلى الجانب الأخر، انتهت دينا الشربيني من تصوير مشاهدها في حكاية "لو بعد حين"، ضمن أحداث مسلسل "حدث بالفعل".
مسلسل "آخر دور"
يذكر أن دينا الشربيني يعرض لها حاليا مسلسل "آخر دور"، ويُشاركها في بطولة المسلسل أحمد خالد صالح، ميمي جمال، مريم الخشت، أحمد بدير، ثراء جبيل، وغيرهم من النجوم، من تأليف وسام صبري، وإخراج حسين المنباوي، وهو من تأليف وسام صبري وإخراج حسين المنباوي.
