”مدرس الكيمياء بياخد 900 جنيه في الساعة”.. داليا مصطفى غاضبة من أسعار الدروس الخصوصية
أعربت الفنانة داليا مصطفى، عن غضبها واستيائها من أسعار الدروس الخصوصية، وذلك من فيديو نشرته عبر حسابها الرسمي بموقع تبادل الصور والفيديوهات انستجرام.
وقالت داليا في الفيديو: سأل واحدة صاحبتي بقولها عايزة أدي ولادي درس للكيمياء، مش قادرة أتكلم، مصدومة، عارفين لما تتصدموا متبقوش قادرين تتكلموا، مصدومة جدا جدا، يعني year 10 في الآي جي، قولوا رقم، تخيلوا كام؟ حد يجاوبني، ها يلا، قول يا أكمل، الرجالة ممكن ميبقوش عارفين".
وتابعت: قالتلي ٩٠٠ جنيه في الساعة، وليه مفيش كنترول، أنا آسفة إني بتدخل، وليه مفيش كنترول، اتفرجت على برنامج لميس وشفت إن الحكومة عايزة تتدخل، ايه ده؟ يعني ايه ٩٠٠ جنيه في الساعة، لو الأستاذ بيدي ٨ ساعات في اليوم يعني ٨ في ٩٠٠ جنيه بكام؟ أنا مصدومة من الرقم مش عارفة أحسبها، نقول بيدخل في اليوم ٧ آلاف جنيه، انتوا سامعني بقول ايه، أنا بتكلم معاكم في شيئ مهم جدا، أنا مش فاهمة، انتوا سامعني، أنا مش مصدقة.
أخر أعمال داليا مصطفى
يذكر أن آخر أعمال داليا مصطفى، مسلسل "الحرير المخملي" وهو بطولة مصطفى فهمي، وأحمد وفيق، وداليا مصطفى، ومها أبو عوف، وولاء الشريف، وهالة فاخر، وسامي مغاوري، وطارق صبري، أشرف على الكتابة أمين جمال، وسيناريو وحوار أحمد أبو زيد توفيق، وشادي أسعد، وحمدي التايه، وإخراج أحمد حسن.
