” مات في حضني”.. سحر رامي تروي تفاصيل الساعات الأخيرة في حياة حسين الإمام
روت الفنانة سحر رامي، التفاصيل الأخيرة فى حياة الفنان الراحل حسين الإمام، خلال استضافتها في برنامج "كلام الناس"، الذي تقدمه الإعلامية ياسمين عز عبر قناة MBC مصر.
وقالت : حسين الامام مـات في حضني وده كان قدري هو كان معانا وسابنا عشان يدخل الحمام فلقيته اتاخر قلت يمكن فكر ياخد دش وسايبنا واحنا عندنا ضيوف او خفت يكون اتحبـس ف الحمام وبقول كده وانا بهزر.
وتابعت: فطلعت اشوفه بقوله حسين انت محبـوس ف الحمام؟ قالي اه ... افتحي لحسن مش قادر اخـد نفسي فتحت الباب لقيته وقع عليا ومنها للسرير كل ده وانا مش فاهمه ايه اللي بيحصل ده طب داخ طب البخار بس هو في خمس دقايق كان مشي.
واستكملت: وأنا انهارت وعرفنا أنها كانت جلطه مفاجئه في الشريان التاجي وكان ممكن تتلحق بحقنه ادرينالين في القلب في ظرف عشر دقايق من الجلطه واحنا كنا على الطريق الصحراوي ومكنش هينفع تتلحق.
وأضافت: والدكتور قالي حتى لو اتلحقت كان ممكن بعدها يبقى اعــمى او مشلـول معرفش ده بجد ولا كان بيحاول يصبرني ..هو بالنسبه ليا مشي مقدرش اقول انه مـات ..يمكن احساسي كأنه في مكان وراجع وانا عمري ماهتجوز بعده... انا هعيش وامـوت مرات حسين الامام.
آخر أعمال سحر رامي
يذكر أن آخر أعمال سحر رامي ، مسلسل "رحيم" الذي عرض في رمضان 2018، وهو بطولة ياسر جلال، محمد رياض، نور اللبنانية، طارق عبد العزيز، دنيا عبد العزيز و من تأليف محمد إسماعيل أمين ومحمد هشام عبية، إخراج محمد سلامة.
