أحمد سلامة يكشف عن رأيه في الصور الجريئة الخاصة بابنته ”سارة ”
كشف الفنان أحمد سلامة عن رأيه في ارتداء ابنته ملابس جريئة في جلسات التصوير التي تنشرها الأخيرة لمتابعيها على حسابها بموقع (إنستجرام) ، وذلك خلال لقائه في برنامج "نص الكلام" من تقديم راغدة شلهوب عبر قناة "النهار".
وقال أحمد سلامة: قولتلها متعملش كده تاني لكن مش لدرجة خلاف، قولت أن الأفكار اللي هي شايفاها وكل الجيل شايفها صح تنفع في الخارج لكن أحنا في مجتمع شرقي مينفعش نتخطاه، هي وجهة نظرها أنها مش بتعمل حاجة غلط.
وتابع: هي وعدتني أنها مش هتعمل كده، في مسلسل "ابن حلال" لما طلعت لابسه شورت وأنا اتهاجمت بسببها، في ستايلست طلبت منها تلبس دا وهي بتسمع الكلام مكنتش فاهمة كان عندها 18 سنة ومعندهاش خبرة.
وأضاف: مسألة السيطرة على الجيل الحالي جيل السوشيال ميديا والعالم المفتوح صعبة وقاتلة، السوشيال ميديا بتربي معانا مش إحنا اللي بنربي بنفسنا، هذا الجهاز النقمة على العالم خلى أفكار الشباب منفتحة وشايفين أن كل حاجة عادي، لكن أنا بحاول أسيطر وعمري ما مديت أيدي على بنتي وبديها الحرية.
أخر أعمال سارة سلامة
يذكر أن آخر أعمال سارة سلامة الفنية، مسلسل "إسعاف يونس" وشاركها العمل محمد أنور، منة عرفة، محمد علي رزق، إيمان السيد، أحمد محارب، وهو تأليف فاروق هاشم، ومصطفى عمر، وكتابة أحمد محارب، خليفة سمير، وأحمد فوزي، وإخراج معتز التوني، وإنتاج شركة سينرجي.
