فريدة سيف النصر تنفجر من الغضب.. والسبب تصدرها التريند
أعربت الفنانة فريدة سيف النصر، عن استيائها بعد تصدرها محركات البحث على جوجل ومواقع التواصل الاجتماعي، وانتشار صورها بشكل كبير بعد تغير لون شعر.
وكتبت عبر حسابها بموقع التواصل الاجتماعي "فيس بوك": : "هو في ايه بجد، ايه الخيبة اللي أنا فيها دي.. كل ما اتنفس ولا أتصور ولا أتكلم أبقي تريند وحديث المدينة.. محسسني أني لسه صغنونة نوغه.. وأني مثلا نزلت كلي بلبس مثلا ملفت مش قاطعة لكم راسي".
وتابعت: "وجرايد ورقية محترمة ومواقع برضه كبيرة.. هو مافيش غيري..في ناس أحلى وأصغر وأهم وعندهم اللي ترغوا فيه.. هاتحرموني أكون ذوق وأدي أخبار أو أرد على صحافيين خالص، وللعلم مابحبش أصد حد أو التعالي بالذات الشباب الجديد.. يكون جزائي عكس الكلام واخد عناوين فرقعه علشان التريند..الأمانة والمهنية أهم من مصطلحات السوشيال ميديا الجديدة دي".
واختتمت : "عموما كده عيب لأي حد احترمته رغم صغر السن والحداثة في المهنة ورديت وحبيت أسانده.. والنتيجة علشان فرقعة تخسرني ماشي ألف شكر ومش هارد تاني مع اعتذاري للجميع".
وكانت فريدة كشفت عن تغير لون شعرها من خلال نشر صورها على صفحتها بـ"فيس بوك" وكتبت قائلة:"ربنا يستر ماتخافوش دي مرحلة سحب اللون الأسود.. حبيت أشارك معاكم الصبغة الجديدة والنيولوك ماتعترضوش دلوقتي مش ده اللون النهائي..قولت أما أغير شوية أصلي زهقت مني.. وعلى فكرة صوري دي بدون ميك أب إن كان عاجبكم.. الستات لما بتكبر بتتجنن".
وفي منشور أخر، نشرت صورها باللون النهائي لشعرها، وعلقت قائلة: نعيمًا.. قصيت شعري خالص والتغيير فرحني.
أخر أعمال فريدة سيف النصر
يذكر أن أخر أعمال فريدة سيف النصرالفنية، مسلسل رانيا وسكينة وهو بطولة روبي، ومي عمر، وأحمد خالد صالح ، وصبا الرافعي، وأوتاكا، ومحمد رضوان، ونبيل نور الدين، وسليمان عيد، والعمل من تأليف محمد صلاح العزب، وإخراج شيرين عادل.
