حسام حبيب عن اتهامات شيرين عبد الوهاب: هتخذ إجراءات قانونية وهرد بالمستندات
خرج الفنان حسام حبيب عن صمته للرد على الاتهامات الموجهة له من زوجته السابقة الفنانة شيرين عبد الوهاب.
وقال حسام حبيب في تصريحات لبرنامج et بالعربي: هيبقى في إجراء قانوني أنا عمري ما دافعت عن نفسي أو اتكلمت دا كلام كله مرسل لكن اللي الكلام اللي هرد بيه هيكون بالمستندات، كل حاجة بحضرها.
وأضاف حسام حبيب: كنت حفاظا عليها وعلى سمعتها وعلى بيتها مكنتش بتكلم لكن دلوقتي هضطر اتكلم لأن الكلام زيادة مش هطلع أقول كلام مرسل هطلع بحقايق ومستندات، مش هفتري على حد، هرد على كل حاجة قالتها بمستندات تثبت أن الكلام دا كله تهديد علشان اسمع الكلام وبتهدد دايما بجمهورها وهي بتحاول تعمل كده وإجراءاتي وردي في الإعلام هيكون بالحقائق علشان كده مش مستعجل بظبط أزاي هرد كل حاجة قانونا وبالمستندات.
