تامر حسني يعلن تفاصيل فيلمه الجديد مع هنا الزاهد
أعلن الفنان تامر حسني عن تفاصيل فيلمه الجديد "بحبك" من خلال منشور عبر صفحته الخاصة بموقع التواصل الاجتماعي "فيس بوك".
ونشر تامر حسني الصور الأولى من كواليس تصوير فيلمه الجديد "بحبك" وعلق عليها كاتبا : "مساء الهنا على أغلى ناس على قلبي أنا، دي صور من أول يومين تصوير لفيلمنا الجديد (بحبك)".
وتابع تامر حسني: "طبعاً في ناس هتقرأ اسم الفيلم بحبِك و ناس هتقراه بحبَك، دا طبعاً مقصود عشان في درامة الفيلم هنبحث طول الوقت عن مدى صدق كلمة بحبِك من الرجل للأنثى و بحبَك من الأنثى للرجل في أحداث فعلاً محيره جداً، الفيلم أكيد فيه ضحك بس في إطار رومانسي بحت مش موجود بقاله كتير".
وأضاف: "اتشرفت بمشاركة نجمة اليوم والمستقبل الجميله هنا الزاهد و مبسوط أني أول من اكتشفها في بداية حياتها وفي الفيلم دا بكتشفها تاني وبقدمها بشكل جديد عليها وعليكم".
واستكمل: "مبسوط جداً لمشاركة حبيب قلبي نجم الكوميديا الكبير حمدي المرغني اللي هيعمل إن شاء الله شغل رهيب في الفيلم كعادته الجميلة، وللأسف لسه مصورش علشان أنزل صوره، بس في أول يوم تصوير له ههريه صور، و انتظروا بعد أيام انضمام نجمه جميله مميزه من نجوم المستقبل اللي هيكون ليها مستقبل كبير إن شاء الله".
وأوضح : " فرحان جداً بإنضمام الفنان الموهوب أوي مدحت إسماعيل اللي عامل دور زي العسل وربنا يكتبله فيه كل النجاح ويكرمه ويكرمنا معاه".
واختتم كاتبا: "الفيلم من إنتاج حبايب قلبي وأصدقاء العمر سينرچي أحمد بدوي، تي ايتش برودكشن حسام حسني، سكاي ليميت أحمد الدسوقي".
أخر أعمال تامر حسني
يذكر أن أخر أعمال تامر حسني الفنية، فيلم "مش أنا" وشاركه البطولة ماجد الكدواني، سوسن بدر وحلا شيحة و هو من تأليفه وإخراج سارة وفيق.
