علياء أول ارتباط في حياتي.. أبرز تصريحات أحمد سعد وزوجتة في « 90 دقيقة»
حل الفنان أحمد سعد وزوجتة علياء بسيوني، مساء أمس، ضيوف على برنامج 90 دقيقة ، الذي تقدمه الإعلامية بسمة وهبة ، على قناة المحور.
وحققت الحلقة نجاحاً كبيراً فور طرحها، وترصد "جريدة الأموال"، أبرز تصريحات أحمد سعد وزوجته علياء بسيوني في برنامج 90 دقيقة في السطور التالية.
تصريحات أحمد سعد في البرنامج
- أول ماشوفتها حبتها "حب من أول نظرة"، وعبرت عن حبي بالتصرفات وكنت حريص على ذلك.
- علياء هي اللي بتخترلي لبسي وكل صحابها بيسألوها عن لبسهم، ذوقها حلو جدًا وبتعرف تنسق اللبسش بطريقة مميزة.
- معروف عني العلاقات الكتير والمشاكل، لكن معاها حاولت اغير كل ده واغير حياتي للأحسن، وبعدت علاقتي معاها عن السوشيال ميديا عشان نستمتع بحياتنا.
- علياء أول ارتباط في حياتي، عشت معاها حاجات أول مرة اعشها زي اختيار العفش كنت دايمًا ناقم عليها "التفاصيل اللي بينا غالية ومش رخيصة".
- بقيت أشوف عيوبي أنا بس، عيوب الآخرين بتاعتهم، عشان أقدر أرتقي بنفسي، لكن مينفعش أبقى عايش في مظلومية وشماعة.
- معملتش في حياتي بوتوكس أو فيلر ولكن ممكن قدام اعملها معنديش مشكلة فيها، وكان عندي مشكلة في الفك بسبب أسناني، والدكتور ظبطهالي من غير عملية جراحية.
- حصلي موقف محرج في إيطاليا، كان الوقت متأخر وحبيت اعبر عن حبي و مشاعري لعلياء بصوت عالي فوجئت بشخص مصري يلقي التحية علي.
- علياء مبتعرفش تعمل أكل خالص حتي لما بتجيب الأكل من الثلاجة بيبقى طعمة وحش ، جينا كل حاجة في البيت ماعدا البوتاجاز لأنها حالفة إننا لو جيبناه مش هاكل بره .. طيب أموت نفسي.
علياء بسيوني عن أحمد سعد
- أحمد سعد عنده كاريزما ويدخل في أي حتة نحس بيه، وهو شبهي في إنه مزاجي وبيحب التحديات، كان يظهر ويختفي، فكان الاختفاء بيستفزني.
- أحمد مش وحش هو لو كان وحش كان رد على كل المشاكل الل بتحصل معاه، دايما الحكاية بتبقى من طرف واحد في حلقة مفقودة من القصة، ولو كان وحش كان رد ودافع عن نفسه.
