رنا سماحة بعد أنباء انفصالها عن زوجها:” ولاد الأصول مبيلقحوش على بعض”

تحدثت الفنانة رنا سماحة لأول مرة بعد خروج أنباء عن انفصالها عن زوجها الملحن سامر أبو طالب.

و وجهت رنا سماحة رسالة إلى متابعيها عبر صفحتها الشخصية على موقع تبادل الصور والفيديوهات "إنستجرام"، وكتبت:" عذرَا أيها الـ trend، فلدي ما هو أغلى من كنوز العالم، اتعلمت في بيت أهلي إن العلاقة بين الراجل والست أمانة مينفعش تطلع بره البيت".

وأكدت رنا في رسالتها أن ولاد الأصول هم من يحافظوا على أسرار البيت كاتبه:" ولاد الأصول مبيلقحوش على بعض مبيجيبوش سيرة بعض غير بالخير، ولاد الأصول بيعاشروا بالمعروف وبيفارقوا بالإحسان، ومبينسوش الفضل بينهم، ده اللي ربنا أمرنا بيه ده اللي أهالينا ربونا عليه ده اللي الإنسانيه بتقوله، أي حاجة غير كده تبقى عدم تربيه.. قلة دين.. انعدام أخلاق".

وتابعت قائله:" الإنسان بيعيش حياته وبيمشي رحلة، مش هيفضل منها غير سيرتك وأعمالك الطيبة وكلمتك اللي بتتصدق بيها، سيبوا الخير وانتوا ماشيين عشان الناس تدعيلكم بدل ما يدعوا عليكم".

واختتمت رنا رسالتها:" عاهدت نفسي وأهلي والناس إلى بحبهم إني أكون خير قدوة عاهدت ابني اللي عيني لسه مشافتوش إني أربيه على الأصول والاحترام والرقي عاهدته غني أربيه يبقى راجل في متستنوش مني ما يفعله الأخرون مش عايزة ابقى ترند".

وكانت رنا أعلنت منذ أيام حملها الأول من زوجها سامر أبو طالب وكتبت : " إحساس كبير .. شعور خطير"، لتنهال عليها التبريكات والتهاني من قبل المتابعين.

وبعد أعلان حملها، بدأت الصفحات الفنية و الجمهور في التسأل عن انفصالها عن زوجها سامر، لحذفها كل الصور التي تجمعهما ببعضهما في جميع المناسبات حتى حفل زفافهما وإلغاء متابعتها له.

وعلى الجانب الأخر، تسعد رنا سماحة لإحياء حفلا غنائيا يوم 7 سبتمبر، على مسرح قاعة النهر بساقية عبد المنعم الصاوي بمنطقة الزمالك في الثامنة مساء.

ويذكر أن رنا سماحة طرحت مؤخرا ألبومها الخاص "7 رجالة" يتكون من 10 أغان وهم : "100 مليون عاملة ،خانت نفسها،بقيت شبهك، تتر النهاية، ، 7 رجالة، حياتي تخصني، اسمه إيه، عندي الجرأة، نقطة ضعف، قلبي معلم ".