زيزو في بيان رسمي: ”أنا ما وقعتش لأي نادي جوه أو بره مصر”
خرج نجم الزمالك، أحمد سيد زيزو عن صمته وكشف كل تفاصيل الجدل المثار مؤخرًا حول تجديد عقده مع القلعة البيضاء، مؤكدًا بشكل صريح: "أنا ما وقعتش لأي نادي جوه أو بره مصر".
وفي بيان نشره أحمد سيد زيزو عبر حسابه الرسمي على إنستجرام، عبّر عن أسفه الشديد لانتشار معلومات مغلوطة في الإعلام ووسائل التواصل، موضحًا أنه التزم الصمت احترامًا للجمهور والنادي، لكن ذلك فُسّر بطريقة خاطئة.
وقال: الحمد لله.. أنا راجل بيحترم كل الناس.. لكن للأسف عدم ردي على المعلومات المغلوطة، والالتزامي الصمت زاد عن حده.. كل ساعة خبر عن توقيعي أو تجديد عقدي زيزو، وكل واحد بيغالط الناس بشريحه اللي عايزها من الجمهور.. بكل وضوح أنا لم أوقع لأي نادي سواء داخل أو خارج مصر. اللي حصل من صمت كان بفضّل إني أشوف إذا كان كلامه صحيح؟.. كمان اللي عنده دليل على توقيعي لأي نادي يرضى يطلع يطلعه على الملأ.. الناس لازم تعرف كويس".
وتابع:"أنا بقدّر جدًا الكيان الكبير اللي أنا بلعب فيه.. ولا يمكن أذكر فضله عليا، لكن فيه حاجه أنا مكتش حابب أتكلم فيها خالص.. لأنه للأسف الأمور في الإعلام كلها في اتجاه واحد.. ليه محدش بيتكلم عن حقوقي المشروعة زي أي لاعب في الدنيا.. ليه محدش اتكلم إن الناس ساعتين بتقابلها شهور طويلة ومش عايزين يحددوا عقدي، ليه محدش اتكلم عن المستحقات المتأخرة اللي ليا بقالها كتير. ومش لاقي حد يجاوبني، ليه محدش اتكلم أن التحديد المرة دي جاي في مرحلة متقدمة من عمري بالنسبة للعبة الكورة. وعمره قصير في الملعب".
وأضاف: محدش كمان اتكلم إنه ربنا سبحانه وتعالى أنعم عليا بعروض مقابلها المال 10 أضعاف العرض اللي موجود.. ورغم كل ده، فلت وفضلت أقول أنا منتظر كلمة النادي.. ورد لاعتبارات كتير.. مش لتجميل الصورة، والجماهير لازم تكون عارفة الحقيقة. زيزو مش بيزايد.. ولا بيتاجر. لكن لازم الطرف التاني يكون عايز يكمل.. وتكون فيه نيه واضحة.. مش مجرد مساومات وتسويف على الأقل.. لأن للأسف الكلام بيكون على الملأ.
وواصل: واللي بيتقال في الإعلام حاجه تانية.. أنا مش هنسف نفسي أحرج في حق حد.. ولا أتكلم عن حقي في العلن. الجلسات عيب يتقال مرة.. على الأقل من ناحيتي.. أنا مستني رد النادي لحد آخر يوم في الكونفدرالية. وأتمنى ربنا يكرمنا بيها أنا وزمايلي. وأي كلام هيتقال غير كده في موضوع التجديد أو التوقيع قبل الموعد ده، هيكون كلام غير صحيح. ورسائلي الواضحة جدا للمسؤولين في النادي اللي أنا بحترمهم جميعًا.. أتمنى الحوار في مسألة تجديد العقد يكون بيني وبينكم.. مش عن طريق الإعلام.
واختتم :"وأنا كنت ولا زلت واضح معاكم في كل اللي اتكلمت فيه من أمور عادية تساعدنا على إننا نكمل الطريق. شكرًا على تفهمكم موقفي".
