مواصفات الرجل المثالي في عيون هنا الزاهد.. ماذا قالت؟
تحدّثت الفنانة هنا الزاهد عن مواصفات الرجل المثالي من وجهة نظرها، خلال لقائها مع الإعلامي معتز الدمرداش في برنامج "ضيفي" المذاع عبر قناة الشرق للأخبار.
وقالت هنا : "لازم يبقى دمه خفيف علشان يفهم أنا بقول إيه. أنا ساعات بقعد مع ناس دمهم تقيل مش فاهمين أنا بقول إيه، وأقعد أقول إفيهات أفلام مبيردوش عليا".
وتابعت: "مهما كان فيه مميزات، اللي ميفهمش الإفيهات بتاعتي وهزار الأفلام بحس إنه من عالم تاني، ويبقى دمه خفيف بس مش عمال على بطال".
وأضافت: "يكون لذيذ بس في وقت الجد جد، مش مونولوجست، ويكون طيب معايا وشرس مع كل الناس، طيب بس مش أهبل".
على الجانب الاخر، تنتظر هنا الزاهد عرض أحدث أعمالها السينمائية فيلم "بضع ساعات في يوم ما"، المقرر طرحه في السينمات بتاريخ 26 ديسمبر الجاري.
و يشارك في بطولة فيلم "بضع ساعات في يوم ما" كل من مي عمر ومحمد الشرنوبي وهشام ماجد وهنا الزاهد وأحمد السعدني وناهد السباعي وأسماء جلال، ومن تأليف الكاتب محمد صادق وإخراج عثمان أبو لبن وإنتاج أحمد السبكي.
