بالفيديو - أحمد حاتم يكشف مواصفات فتاة أحلامه
حل الفنان أحمد حاتم، ضيفًا على برنامج "ضيفي" للإعلامي معتز الدمرداش، حيث تحدث عن الكثير من الأمور الخاصة بأعماله وحياته الشخصية، كاشفاً عن مواصفات شريكة أحلامه التي يتمناها مشير إلى أنه لا يمانع فكرة الزواج مرة أخرى بعد انفصاله.
وعن مواصفات فتاة أحلامه قال حاتم: "أنا متقبل فكرة إني أتجوز مرة تانية، المهم إنها تكون بنت ناس ومريحة وسالكة ومحتوية، لكن مليش في جواز الصالونات"، مؤكداً أنه لا يضع أهمية كبيرة على المهارات المنزلية مثل الطبخ.
وخلال اللقاء تحدث عن فيلم "الملحد" ودوره فيه:" مش ندمان على دور "يحيى" في فيلم "الملحد"، الفيلم معظم الجدل اللي عليه بسبب عنوانه ودا كان متوقع، لكن الأكيد إني مش هعمل حاجة أخجل منها أو أكون ندمان عليها، أنا عاقل وراشد، ممكن نغلط أكيد لكن دا عمل حساس جدا وفي موضوع أنا شايف أن مهم أننا نتكلم عنه مش عشان نروج له، أنا مش بتكلم عن الإلحاد عشان أروج له دا أكيد، من وجهة نظري اللي ممكن ناس تشوفها جدا لما تتفرج وممكن ناس تحس هو إحنا ليه بنتكلم في الحاجات دي دا عادي ووارد".
وردا على سؤال موعد عرض الفيلم، أوضح : "معنديش معلومة أكيده لكن أتوقع أن أكيد هيجي وقت يتشاف لأن بقى فيه كذا وسيلة لعرض العمل الفني ممكن في السينما وممكن في المنصات، لكن أمتى معرفش، ما أتمناه أن وقت ما يتشاف يبقى الناس شايفه فيه حاجة كويسة زي ما أنا كنت شايف".
آخر أعمال أحمد حاتم
والجدير بالذكر أن أحمد حاتم يعرض له في الوقت الحالي فيلم العاشق، ويشاركه البطولة أسماء أبو اليزيد، ومحسن محيي الدين، وغيرهم من فنانين، والعمل من تأليف محمود زهران، إخراج عمرو صلاح.
