أحمد حاتم: الطلاق أصعب قرار أخدته في حياتي.. ووجود ابني خلاني شخص مش أناني

حلّ الفنان أحمد حاتم ضيفاً على برنامج ABtalks الذي يقدّمه الإعلامي أنس بوخش، حيث كشف العديد من أسرار حياته الشخصية، و تجربة زواجه الذي استمر 3 سنوات، وبعدها تجربة الطلاق، و طريقة تعامله مع ابنه.

قال أحمد حاتم:" بعد 3 سنين جواز إتعلمت إن الإنسان يقدر يبقى أحسن ويتغير، ويقدر يبقى أوحش، و أنا إتعلمت إني كنت نسخة مش حلوة مني، وكنت شخص ممكن أكون ظالم، والطرف اللي معايا مش مبسوط، ودي مش عادتي".

وتابع: "أنا عارف إن ده مش حاجة حلوة أني محاولتش أقدم تنازلات خلال فترة زواجي ومش أنا، وكان حاصل بشكل سلبي كبير ولا إرادي في حياتي عامة مش بس في الجواز".

وأضاف: التجربة خلتني أقف وقفة كبيرة وتوصلت أني أقدر اعمل اللي مقتنع بيه وحابه، اتعلمت دا بطريقة صعبة أو اتعلمته في شخص، وأنا قولتلها الكلام دا ايا كان دا مقبول ولا لا بس دا اللي حصل.

وعن تجربة الطلاق، قال: الطلاق أصعب قرار أخدته في حياتي ومأخدتش رأي أي حد فيه، ورغم فايدة الفشل لكن بخاف منه أكيد، وبقيت أخاف منه عامة، وبخاف من أني أفقد الشغف بشكل عام.

وواصل: الفشل في العلاقات في حاجة بتتعلمها، وأنا عمري ما عيشت لوحدي، أنا عيشت لوحدي بعد الطلاق، ودلوقتي معرفش أعيش مع حد.

وعن تعامله مع ابنه، قال حاتم: وجوده خلاني مبقاش شخص مش أناني خالص وشخص بيستوعب أكتر بكتير من غير ما يعمل حاجة، هو وجوده بس، أن أنا بقيت عايز أبقى في حياته وعايز امارس دوري معاه مظبوط، ومامته ومامتها مساعدني في دا جدا.

أعمال أحمد حاتم

يذكر أن أحمد حاتم يشارك في بطولة فيلم "المنبر" وهو أول تجربة له مع الأفلام الوثائقية التي تجمع بين التسجيلي والدرامي، وهو من بطولته و بطولة أيتن عامر، وكمال أبو رية، وسامح الصريطي، وأحمد فهيم، وميدو عادل ونخبة من النجوم، من تأليف فداء الشندويلي، ومن إخراج أحمد عبد العال.