”يعاملني زي بابي”.. ملك زاهر تعلن عن مواصفات فتى أحلامها
كشفت الفنانة ملك أحمد زاهر، صفات التي تتمنى أن تكون في فتى أحلامها، وذلك خلال مداخلة مع برنامج "تفاصيل"، الذي تقدمه الإعلامية نهال طايل عبر قناة صدى البلد 2.
وقالت ملك أحمد زاهر: "لازم يكون حنين أوي ورومانسي، عشان أنا طيبة ورومانسية، ويكون راجل ومسئول ومتفاهم عارف شغلي وبيشجعني فيه وأنا أشجعه في شغله".
وتابعت: "أنا مركزة في شغلي دلوقتي والحاجات دي بتكون قسمة ونصيب ومستنية يجي الشخص المناسب عشان أنا طيبة وأول ما ألاقي الشخص الكويس اللي يعاملني زي بابي هرتبط بيه".
وتحدثت ملك خلال المدخلة عن العمل مع والدها، قائلة: " التمثيل مريح جدا مع بابا ومش صعب خالص، لأنه بيساعد كل الناس ويدي للي حواليه من خبرته.. ومن الممثلين اللي لو حد بيمثل قدامه عينه بتدي أداء فبالتالي غصب عنك بتعلي معاه".
وعن دورها في مسلسل "محارب"، أوضحت أنها تخوفت من الشخصية كونها جديده عليها، لكن تشجعت وشعرت بأنها تريد أن تثبت لنفسها أنها تقدر عليها.
وأضافت :المؤلف محمد سيد بشير هو من رشحني للدور وكلمني وقالي أنا عارف أن الدور صغير لكن عارف أنك هتقدميه حلو.. واللي بيفرق معايا هو أهمية الدور نفسه مش حجمه ومهم في إيه وهتستفاد بإيه من خلاله.
يذكر أن مسلسل "محارب" عرض في رمضان 2024، وهو من بطولة حسن الرداد وأحمد زاهر وناهد السباعي وماجد المصري ونرمين الفقي وتامر عبد المنعم ومحمود ياسين جونيور وملك أحمد زاهر، تأليف محمد سيد بشير وإخراج شيرين عادل وإنتاج أحمد السبكي.
