”صورتهم وهما تعبانين مبتروحش من بالي”.. دنيا سمير غانم تحبس دموعها خلال حديثها عن وفاة والديها
تحدثت دنيا سمير غانم عن محنة وفاة والديها سمير غانم ودلال عبدالعزيز، مشيرا إلى إن عائلتها لم تتجاوز فقدانهم رغم مرور فترة طويلة على وفاتهما.
وقالت دنيا سمير غانم خلال لقائها مع الإعلامي عمرو أديب في برنامج "بيج تايم بودكاست" المذاع عبر قناة MBC : احنا متجاوزناش فقدان سمير و دلال لان الموضوع مش سهل خالص.
وعن قدرة البعض في تجاوز الاحزان، أوضحت: هي قدرات.. يعني انا بعد التجربه دي اكتشفت ان الحزن ده مش زي ما إحنا بنوريهلكم في الأفلام خالص يعني هو كل انسان بيحزن بطريقته.
وتابعت: يعني انا مثلاً بعد اهلي كنت عاوزه انزل اشتغل عشان انا طول حياتي متبرجمه ان الفن يعني بابا و ماما فـا وأنا بشتغل بحس انهم معايا فكنت عاوزه اغني و امثل و اقف على المسرح عشان احس ان الناس معايا وعشان احس ان بابا و ماما معايا.
وأضافت: ده كان استايل حزني انما إيمي حزنها كانت أنها عايزه تفضل مع نفسها طول الوقت يعني احنا بالعافيه خليناها تشتغل مسرحيه في موسم الرياض.
وواصلت: انا بدمع كتير و ببقا عايزه اعيط كتير بس بمسك نفسي و بتبسط و بقابل الناس و كل حاجه بس هما جوايا و معايا
واستكملت: محدش يحكم على حد في حتة الحزن دي خالص يعني مثلا ميكونش حد حصله ظرف كبير و يقولك ايه وده الحته دي لا هو يمكن رايح كعلاج.
واتمت تصريحاتها: حتى المرحله اللي كانت قبل وفـاتهم كانت صعبه و الاتنين ورا بعض على طول كمان، فأنا بشتغل و بلهي في نفسي في الشغل عشان صورتهم وهما تعبانين على طول موجوده معايا.
يذكر أن دنيا سمير غانم عرض لها مؤخرا مسرحية "أنستونا" في السعودية، وشارك في بطولتها: بيومي فؤاد، سامي مغاوري، كريم عفيفي، عمرو عبد العزيز، وهي من تأليف كريم سامي، وإخراج خالد جلال.
