شيرين رضا عن علاقتها بـ دينا الشربيني: احنا أصحاب من قبل ارتباطها بعمرو دياب

كشفت الفنانة شيرين رضا عن علاقتها بالفنانة دينا الشربيني، خلال حلولها ضيفه على برنامج "العرافة" الذي تقدمه بسمة وهبة على شاشة "النهار".

وقالت شيرين رضا " نحن صديقتان من قبل ارتباطها بعمرو دياب، تعرفت عليها عندما كنا في بيروت، وشاركنا في فيلم كدبة كل يوم، ووقتها قربنا من بعض أوي، وبعدها بسنوات ارتبطت بعمرو دياب".

وتابعت: "بالنسبة لعلاقة عمرو بدينا، وهل كانوا متزوجين أم لا، الأمر يرجع ليهم، لكن المؤكد أنهم كانوا بيحبوا بعض عشان قعدوا مع بعض مدة طويلة، و أنا مبتهربش من الإجابة لكني لا ‏أسمح لنفسي بسؤال الناس هل اتجوزوا أم مخطوبين، عمري ما عرفت حالة حد ولا سألت عنها؛ لأن ده اسمه تطفل".

وخلال الحلقة، تحدثت شيرين رضا عن علاقتها بـ عمرو دياب في فترة زواجهما، حيث قالت: "أنا اللي كنت عايزة أتطلق مع عمرو دياب، ولما كنت حامل وإحنا متجوزين كنت بكره ريحته ولما كنت بشوفه كنت برجع".

وأضافت: "خلال فترة حملي مكنتش بحب ريحة أي حاجة وفي أول 3 شهور في حملي لو شربت مياه أو أكلت أو شميت ريحة بارجع وعلشان كده كنت بزهق على عمرو دياب وأقوله متحطش ريحة بيرفيوم علشان هرجع وأقوله اطلع برة الأوضة".

وعن سر عدم زواجها حتى الآن بعد انفصالها عن عمرو دياب، علقت شيرين رضا: "مش عايزة أتجوز ودي رغبتي أنا".