هند عبد الحليم عن سبب إزالتها الحسنة من وجهها: زهقت
أوضحت الفنانة هند عبد الحليم، السبب وراء خضوعها لعملية تجميل لإزالة الحسنة من وجهها.
قالت هند عبد الحليم خلال لقاء لها ببرنامج عرب وود: "شلت الحسنة عشان حسيت إن أنا زهقت، بقيت ابص للمراية لقيتها واخدة كتير أوي من النظر، بتاخد العين، فحبيت يبقى في أي تغيير، زهقت تغيير".
وتابعت: وفي ناس عجبها جدا الموضوع وفي ناس لأ دي أراء فـ تمام.. المهم أنا حاسه أيه برضوا ما ده وشي.
كما علقت هند عبد الحليم على طلاقها الذي وقع بعد 3 سنوات زواج، حيث قالت: معنديش تعليق على حاجة زي دي غير أن كل شيء قسمة ونصيب، ودا اللي حصل يعني، كل واحد بيبقى ليه أسبابه وظروفه مختلفة بس هو في الأول وفي الأخر أنا بشوف أن دا نصيب وتجارب، في ناس بتنجح مع بعض وتمام وفي ناس مش بتتفق.
على الجانب الأخر، تشارك هند عبد الحليم في رمضان 2024، من خلال المسلسل الإذاعي "غير صالح للنشر" تأليف أحمد محارب ومحمد محارب من إخراج زهرة رامي بطولة محمد سلام ومحمد أوتاكا ومروان يونس ومحمد عبده وفاتن واصل ودوجلاس ورنا خطاب ومحمد مبروك يوركا ومعتصم شعبان، ويذاع عبر إذاعة إنرجي.
