نجلاء بدر عن مشهدها الجريء بفيلم ” ليلة العيد” : مش فج ولم اتوقف عنده
كشفت الفنانة نجلاء بدر عن تفاصيل دورها في فيلم ليلة العيد، متطرقة للحديث عن قضية ختان الإناث.
وقالت نجلاء بدر خلال لقائها مع الإعلامية لميس الحديدي في برنامج "كلمة أخيرة": المشكلة أنك بتتكلمي عن القضية دي واحنا سنة 2024، كام مرة اتفتح الملف دا ومفيش حد بيرد عليكي ومفيش حد بيحلله صح، الموضوع محتاج تفسير أخر وتفسير طبي تاني خالص فلازم يتدخلوا مع بعض رجال الدين والأطباء عشان يعملوا مواجهة ونعرف أن دا مش صح، ومشهد العلاقة الزوجية مش فج.
وتابعت: ولم اتوقف عنده أو حتى هيصوروا ازاي أو حتى بعد ما اتصور مقولتش هتمنتجه ازاي لأن أنا الشخصية دلوقتي ومليش دعوة بأي حاجة زي كدا، أنا أشعر بالشخصية دي وشوفتها بعيني قبل كدا سواء في حياتي أو في حياة الآخرين، ولو مش هعبر عنها زي ما هي فعلا موجودة وبتتنفذ في المجتمع يبقى معملش الدور دا وهبقى مش جديرة بيه.
أبطال فيلم "ليلة العيد"
فيلم "ليلة العيد" من تأليف أحمد عبد الله وإخراج سامح عبد العزيز وبطولة يسرا، ريهام عبد الغفور، عبير صبرى، سميحة أيوب، سيد رجب، يسرا اللوزى، نجلاء بدر، هنادى مهنى، محمد لطفى، أحمد خالد صالخ، نهى صالح، مايان السيد، محمود حافظ، عارفة عبد الرسول، محمد محمود، عفاف مصطفى، وعدد آخر من الفنانين .
