معتمد جمال يوضح موقفه من الزمالك في حال التعاقد مع مدرب أجنبي
تحدث معتمد جمال، مدرب الزمالك الحالي، عن موقفه من الاستمرار مع الفريق في حال تعاقد إدارة النادي مع مدرب أجنبي.
وقال معتمد جمال في تصريحات لقناة إم بي سي مصر: عمري ما أنكر فضل نادي الزمالك عليا، أنا في أي وضع تحت أمر نادي الزمالك.
و تابع: ولكن لو تعاقد النادي مع جهاز فني أجنبي بالكامل، إيه الدور اللي هايقدمه معتمد جمال في وجود جهاز فني أجنبي؟
وأضاف: أكيد مش هايكون ليا دور، ولكن اللي مجلس إدارة نادي الزمالك هايقول عليه هايحصل إن شاء الله.
واستكمل: أي وقت جماهير نادي الزمالك بتكون فيه مش فرحانة مع أي تعثر للفريق ده بيبقى أصعب وقت بيعدي عليا في نادي الزمالك بصراحة، بتمنى إن جماهير الزمالك عالطول مبسوطة وفرحانة بفريقها، وان شاء الله الفترة الجاية مع وجود مجلس إدارة مستقر بنوعد الجماهير ان إحنا نعمل أحسن حاجة عندنا، لان جمهور الزمالك له فضل علينا.
و أتم حديثه قائلا: أحمد فتوح ومحمد صبحي ومصطفي الزناري مشكلتهم إنتهت، ومن حقهم ياخدوا فرصة تانية، ونسينا المشكلة اللي حصلت قبل كده خلاص.
وعلى الجانب الآخر، يستعد الزمالك للمشاركة في بطولة نادي الوحدة الإماراتي الودية بأبوظبي والمقرر إقامتها خلال الفترة 18 وحتى 24 يناير الجاري.
