محمد رمضان عن أزمة بيومي فؤاد ومحمد سلام: الاتنين مغلطوش
![محمد رمضان](https://media.elamwal.com/img/23/11/08/235944.jpg)
علق الفنان محمد رمضان على أزمة كلا من الفنان محمد سلام وبيومي فؤاد بعد اعتذار الأول عن عدم المشاركة مسرحية "زواج اصطناعي"، في موسم الرياض بالسعودية، وهجوم الثاني على الأول في فيديو منتشر على مواقع التواصل الاجتماعي.
و قال محمد رمضان في مقطع فيديو نشره محمد رمضان عبر حسابه على انستجرام : "رسالتي لكل جمهوري العربي رأس مال أي فنان أو نجم في الدنيا هو الناس اللي هما حضراتكم، بنطلب من كل حبايبنا وكل اللي حاولينا أمي وأبويا يدعو أن ربنا يحبب فيا الناس والجمهور، شيء قاسي لما أكتر حد أنت تبقى عايز تسعده وتنال رضاه هو اللي يكون قاسي عليك بالكلام، وكلامي عن زملائي وأخواتي وأنا بتشرف بيهم الاتنين محمد سلام وبيومى فؤاد، لا سلام غلط ولا بيومي غلط حتى لو في ذلة لسان".
وتابع : إحنا بنقول اللهم لا تؤاخذنا إن نسينا أوأخطانا، لوغلطنا وإحنا بنصلى ربنا بيسامحنا، فعملوا إيه الاتنين عشان نكون قاسين عليهم من هنا على سلام أو بيومي، الأخبار اللي بسمعها اللي إن شاء الله تكون إشائعات إن سلام مش هيشتغل ولا حد هيسمح بكدا ولا إحنا كفنانين ولا الجمهور هيسمح بكده، اللي هو في ضهر أي فنان بيحبه وبيساعده.. ولا إحنا مع بيومي أن يقفل الكومنتات عشان ميشوفش كلام وحش، ياريت نكون أحن من كده على بعض.
وكانت الأزمة اشتعلت بعد قيام بيومي فؤاد بمهاجمة محمد سلام في نهاية عرض مسرحية "زواج اصطناعي" بموسم الرياض حيث قال:من حقك تعتذر "كلمته موجهه للفنان محمد سلام" عن المسرحية لكن مش من حقك تغلط في فنك، احنا مش بنيجي عشان نضحك حضراتكم، احنا بنقدم فننا، أنتو بتحترمونا واحنا بنحترمكم جدا، شيء عظيم أن الفنان يبقى ليه جمهور في كل الدول، شيء عظيم أني أتصور مع شاب سعودي أو سيدة سعودية، وهي تعلم أن أنا مصري، أنا بشرف بلدي.
وتابع: كنت بحاول أخفف عن الراجل اللي أنقذ موقف وكان قدها اسمه محمد أنور، أنا فنان مصري وليا الشرف، جيت المملكة العربية السعودية وليا الشرف، كتر خيركم، احنا بنتعب وبنشقى عشان نقدم فن، مش عشان نيجي نضحك.
يذكر أن مسرحية زواج اصطناعي يشارك في بطولتها عدد كبير من النجوم والنجمات، منهم: مي عز الدين، بيومي فؤاد، محمد أنور، سليمان عيد، إيمان السيد، دنيا سامي، وغيرهم.