حمزة نمرة يعلق على قصف مستشفى المعمداني: قلبي واجعني على اللي ماتوا ومش عارف أنام من القهر
علق الفنان حمزة نمرة على قصف الاحتلال الإسرائيلي مستشفى الأهلي العربي (المعمداني) في حي الزيتون بمدينة غزة، والذي أسفر عن استشهاد وإصابة مئات الفلسطينيين.
وكتب حمزة نمرة عبر حسابه الرسمي بموقع التواصل الاجتماعي "إنستجرام": "قلبي واجعني ع اللي ماتوا، مش عارف أنام من القهر، فمسكت المصحف وقرأت كلام ربنا ف روحي هدأت واتطمنت عليهم، تخيلوا كل اللي كانوا في المستشفى، بآلامهم وأوجاعهم وعطشهم وجوعهم ولهفتهم على عيالهم وعياطهم وقلة حيلتهم، في غمضة عين، في أسرع من غمضة عين، اتبدل حالهم لحال ما أعظمه وأجمله، لنعيمك يارب".
وتابع حمزة نمرة:" (فرحين بما آتاهم الله من فضله) وخلاص مافيش خوف، مافيش حزن، مافيش كل العالم البائس المجنون ده، في غمضة عين بقوا منعّمين في النعيم الأبدي، ومين يستحق أكتر منكم يا حبايبي؟".
واختتم حمزة نمرة كلامه قائلًا: "ياللي كل العالم خذلكم ودور وشه الناحية التانية الجنة طبعًا ليكم أومال هتكون لمين؟ إحنا شيلتنا تقيلة أوي، لكن أنتوا مين قدكم وقد فرحتكم دلوقتي، ألف حمد وشكر يارب يا عدل يا رحمن يا رحيم ألف ألأف حمد وشكر، أمنت يارب بك وباليوم الآخر إنا لله وإنا إليه راجعون يقينًا".
