محمد علي رزق : خسيت 50 كيلو عشان اظهر امكانياتي الفنية (فيديو)
تحدث محمد علي رزق عن سبب اتخاذه قرارا إنقاص الوزن حيث أعلن أنه فعل ذلك من أجل مستقبله في مهنه الفن .
وقال محمد علي رزق خلال لقاء له مع الإعلامي عمرو خليل في برنامج من مصر: أنا اتقالي كتير اوعى تخس علشان هتخسر ومش هتشتغل وانت بقيت كاركتر ولو خسيت مش هتشتغل، بس أنا بصيت للموضوع بشكل تاني.
وتابع :أنا مخستش علشان مش حابب شكلي ولا علشان أسباب صحية أنا بصيت لمستقبلي في المهنة يعني لو عايز اعمل دور ظابط مثلا، والمشكلة مش عندي لكن في ادوار الشكل هيحكمك وفي ادوار المخرجين مش هيشوفوك غير في اللي أنت عملته.
وأوضح: أنا مكنش عندي مشكلة وانا تخين اعمل دور واحد شرير لأن التخن ملوش علاقة بالطيبة والشر لكن للأسف المخرجين اللي بيجازفوا قليلين اوي فانا قررت اخس لاني زهقت أنا بقيت بعمل نفس الأدوار مع اختلاف بسيط وانا شايف اني لو فضلت في دايرة واحدة هموت فنيا وانا شايف أن امكانياتي اكتر من شكلي فكان لازم اخس علشان اظهرها وكنت مراهن على دة.. وأنا كنت 150 كيلو وبقيت 100 دلوقتي.
أخر أعمال محمد علي رزق
يذكر أن أخر أعمال محمد علي رزق مسلسل "كشف مستعجل" وهو من تأليف إيهاب بليبل ومن إخراج شادي الرملي، وشارك في بطولته العديد من النجوم منهم محمد عبد الرحمن، مصطفى خاطر، هنادي مهنا.
