محمد حماقي يعلق على استخدامات الذكاء الاصطناعي: شوفت حاجات مرعبة
كشف الفنان محمد حماقي عن رأيه في استخدامات الذكاء الاصطناعي في الفن، مشيرا إلى أنه سوف يتطور بشكل ملحوظ .
وقال حماقي خلال المؤتمر الصحفي في مهرجان قرطاج: إحنا في سنة أولى ذكاء اصطناعي وهيتطور جدًا، و لازم نستخدمه من غير ما نأذي حد ونقنن الذكاء الاصطناعي داخل الفن من غير ما نتعدى على حدود حد.
وتابع: أنا شوفت حاجات مرعبة لقيت ناس صحابي بيرقصوا على الذكاء الاصطناعي مبقتش عارف هل هو ده فعلا ولا مش هو.
وعلى الجانب الأخر، أعلن الشاعر الغنائي أيمن بهجت قمر، عن وجود تعاون جديد مع حماقي، وكتب عبر حسابه بموقع فيسبوك: من اول بتضحك طيب اضحك لحد يا ستار رحله طويله مع حماقي غيبنا فيها آخر اربع سنين عن الشغل مع بعض .. كام يوم وهتنزل لي اغنيه جديده وعوده لينا وكمان الاغنيه لحن حماقي ..ان شاء الله تعجبكم وصباحكم فل.
أخر أعمال محمد حماقي الغنائية
يذكر أن أخر أعمال محمد حماقي، أغنية بعنوان "قلبي حبك جدًا" عبر قناته الرسمية بموقع الفيديوهات "يوتيوب" وعدد من المنصات الغنائية الرقمية وتعاون فيها مع كل من الشاعر الغنائي أمير طعيمة، والملحن عمرو مصطفى، والموزع الموسيقي أحمد إبراهيم.
