أدمنت الكحول و زوجتي خلعتني بعد حبسي.. أحمد عزمي يكشف عن أصعب لحظات في حياته
تحدث الفنان أحمد عزمي عن أصعب مرحلة في حياته، وذلك خلال استضافته في برنامج "واحد من الناس"، الذي يقدمه الإعلامي عمرو الليثي عبر قناة الحياة
وقال أحمد عزمي: " بدأت بإدمان الكحول حتي أهرب من واقع عشته بعد حادثة مقتل حمدي أخويا، وكان جوايا غضب شديد... اشتريت شقة فى شرم الشيخ واتعرفت على ناس أخدتني إلى طريق الإدمان".
وعن ملابسات مقتل أخيه ، أوضح: "تعرض لحادث سرقة وحاول الدفاع عن نفسه وماله ولكنه قتل مطعونا بـ 13 طعنة".
وتابع: "كنت بصور فيلم الشوق مع الأستاذ خالد الحجر في الإسكندرية، وكنت عمري ما أشرب أثناء التصوير، لكن شربت وفقدت أعصابي، وأنا والدي من عمال المهنة وكنت دايما محافظ على صورته في الوسط الفني ".
وروى عزمي عن موقف باسم سمرة بعد معرفته بإنه مدمن، حيث قال: باسم سمرة من أقرب الناس لي، وشك في وقت إني مدمن كوكايين، وجالي هو وأخوه البيت وخطفوني، وحبسني في البيت عنده 4 أيام علشان يتأكد إني مش مدمن كوكايين، وقولت له أنا مدمن كحول فقط، وأنا كنت محتاج صدمة علشان أرجع عن الطريق اللي أنا ماشي فيه، وكان الحبس هو البداية إني أفوق تاني، وأنا كنت مسميها قرصة ودن".
وعن موقف زوجته بعد أدمانه وحبسه، قال:"طلبت الخلع بعد حبسي، ومضيت على خطاب المحكمة وأنا بضحك وخارج عن السيطرة، وهي كانت خايفة على آدم ابني مني".
واختتم : "زوجتي قطعت كل وسائل التواصل بيننا بعد الحبس، والنهاردة بقول هي عملت الصح وحمت ابني منى، وأنا فكرت في الانتحار وأقدمت عليه، وحاولت أقطع شرايين إيدى و ده حرام، وكنت يائس جدا وقت الطلاق، حتى الدكتور قال لى إنت مفترى قاطع إيديك الاثنين".
