حقيقة خطوبة حورية فرغلي من نزار الفارس.. (فيديو)
نفت الفنانة حورية فرغلي، خطوبتها من الإعلامي نزار الفارس وذلك من خلال برنامج صبايا الخير.
وقالت حورية فرغلي في مداخلة هاتفية: أنا بجد بقيت اخاف من الناس فعلا، البرنامج ده بيكلموني من أسبوع وبيقولوا استاذ نزار عايز يقعد معايا وكنت أول مرة في حياتي اشوفه امبارح وفتحتلهم بيتي والمصورين والاضاءة والصوت.
وأضافت: أنا قاعدة مع مامتي وأول ما دخل قعد قالي انتي بتحبي ماجد المهندس قالي تحبي ترقصي على الأغنية واتصوروا عادي وكنت بجامله عادي وبرحب بيه وهو من أول ما دخل بيصور فيديوهات.
وتابعت: أنا متخطبش لنزار ولا أي راجل في الدنيا وهرفع عليه قضية، وأنت خطبتني من مين، ليه تعملي مشاكل وكل شوية حد يكلم ابويا يقوله بنتك اتخطبت.
وواصلت: كنا بنعمل الفيديو هزار وهو عمل الكلام ده واحنا بنهزر مش بنصور، وأنا دلوقتي قررت مش هعمل أي لقاء مع أي صحفي أنا فتحت بيتي ورحب بيه وكنت تعبانة وعملت معاك اللقاء ليه تعمل فيا كده.
واسطردت: لو هو قالي تيجي نتجوز هو في حد يتجوز حد أول ما يشوفه لكن ليه من ورايا تقول خبر زي ده، وهو كان بيجي مصر يعمل لقاءات وعمل الحكاية دي عشان يبقى تريند.
واستكملت: أزاي أنا العروسة ومعرفش انت عايز تعمل بروباجندا وأنا واحدة من ضحاياك، حسبي الله ونعم الوكيل فيك ومش من حقك تقول خبر حصري عني وهرفع عليك قضية رد شرف افرض متجوزة في السر؟.
وأكدت لو اتجوزت مصر كلها هتعرف عشان هبقى فخورة وأنا مش هتجوز دلوقتي ولا في حد في حياتي.
واختتمت: يعني ايه تعمل كده مش من حقك تقول طب اسالني تتجوزني ولا وتروح تكتب في كل المواقع انا اتجوزت حورية فرغلي.
