هالة صدقي توجه رسالة للحاسدين: كل اللي بيحسد ربنا يكرمه بكل مصائبنا
قامت الفنانة هالة صدقي، بتوجيه رسالة "لكل الحاسدين" من خلال صفحتها على موقع التواصل الاجتماعي "إنستجرام".
وشاركت هالة صدقي فيديو ظهر فيه "كاوتش" سيارتها الذي تلف، وعلقت كاتبه: حبايب قلبي بعض المواقع اتريقت لما عملت بوست وقلت إننا بنتعب وإننا ممكن حياتنا تروح بسبب صعوبة شغلنا ومواعيدها، وطبعا السواد الأكبر أن ربنا لم يعطيهم نعمة الرضا بل ابتلاهم بأنهم يبصوا لرزق غيرهم وانهم يضيعوا وقتهم ومجهودهم في الحقد على الغير.
وتابعت: وطبعا زي ما شفتوا كاوتش عربيتي من غير مناسبة واحتراق كل مواتير الكهرباء في بيتي، وظهور غراب على شرفتي كل يوم، غير حاجات كتير، وكل ده بعد نزول البرومو بتاعي مسلسلي جعفر العمدة.
وأضافت : بشكرهم لحسدهم لأني كده اطمنت إن شاء الله المسلسل يعجبكم ودعوة صافية، كل اللي بيحسد ربنا يكرمه بكل مصائبنا.
هالة صدقي في رمضان 2023
ويذكر أن هالة صدقي تشارك في رمضان 2023 بمسلسل "جعفر العمدة" مع محمد رمضان، زينة، إيمان العاصى، مى كساب، منة فضالى، عصام السقا، مجدى بدر، أحمد فهيم، منذ رياحنه، دعاء حكم، أحمد داش، بيومى فؤاد، فريدة سيف النصر، جورى بكر، طارق النهرى، وعدد آخر من الفنانين، وهو من تأليف وإخراج محمد سامى، وشارك فى السيناريو والحوار مهاب طارق وإنتاج شركة ميديا هب سعدى – جوهر.
