دينا : إتجوزت 9 مرات.. و اتخنت كتير بسبب طبيعة شغلي
كشفت الفنانة دينا عن عدد زيجاتها المتكررة، وذلك خلال استضافتها في برنامج "كلمة أخيرة" مع الإعلامية لميس الحديدي.
وقالت خلال لقائها: "إتجوزت 9 مرات، وده قليل مش كتير، تحية كاريوكا إتجوزت 13 مرة وأنا بتنافس معا".
وتابعت: "أقل جوازة استمرت سنة، وأطول جوازة استمرت 5 سنين وشوية، وجوازة سامح الباجوري سنتين، لكن كان عمره الله يرحمه".
وأضافت: "بدي أهمية لشغلي عن الجواز، لأن عندي وجهة نظر، لو أخذتي مني حاجة مهمة بالنسبة لي وتنازلت عنها، سيطلب مني أشياء كثيرة من الصعب التنازل عنها".
وأردفت: "أنا كنت بقول لهم مش هسيب الرقص وكنت بقول لو فكرت تبص على حد غيري ما تعملش كده تعالى قولي وانا همشي، أنا أتخنت كتير بسبب طبيعة شغلي المستمر لساعات لحد 6 الصبح".
وواصلت: "كنت بعرف لوحدي إني بتخان، و أنا مش بواجه وأفضل أمشي، لإنها جوازات بلا أولاد ولو كان فيها أولاد ممكن نديله فرصة لكن طالما مفيش أولاد هتناقش ليه امشي وخلاص".
وأكدت أنها سريعة في اتخاذ القرارات ولا تندم، مضيفة: "أنا سريعة جداً في اتخاذ القرار ولا أندم لأن القرار يأتي بعد اسحتمال كبير جداً يؤدي لاستنزاف الطاقة ، وقتها باخد القرار في الحال".
واختتمت: "أكثر الصفات التي لا يمكن أن أتحملها في رجل بعد الخيانة هي صفة البخل، مش بستحمل أشوف راجل بخيل، أنا ست بيت شاطرة وبوفر ومش بجيب طباخ ومش باكل من إيد حد غير من إيدي، وأنا لوحدي وعلي مسافر للدراسة الجامعية في باريس".
أعمال دينا في رمضان
على الجانب الأخر، تخوض "دينا" الموسم الرمضاني القادم بـ مسلسل "حضرة العمدة" وهو من تأليف الكاتب إبراهيم عيسى، ومن بطولة روبي، أحمد رزق، إدوارد، صلاح عبد الله، محمود حافظ، بسمة، دينا، إخراج عادل أديب.
