دوللي شاهين في تصريح صادم: تعرض للخيانة الزوجية مرتين
كشفت الفنانة اللبنانية دوللي شاهين عن تعرضها للخيانة من أزوجها السابقين، وذلك خلال استضافتها في برنامج "البخت"، الذي تقدمه خلود عزمي عبر قناة الشمس.
وقالت دوللي: "كانت أول جوازة وكنت راجعة من السفر وعاملة مفاجأة لجوزي وأهلي، وأول ما وصلت حصلت حالة ارتباك في البيت".
وتابعت حديثها: : "وأنا واقفة عند أوضة النوم برتب حاجتي، سمعت جوزي بيكلمها في التليفون وبيقول لها أنا آسف مش هعرف أقابلك النهاردة مراتي جت، فتجمدت ثواني، عشان كنت صغيرة وعمري ما أتخيل إن في خيانة غير في الأفلام والمسلسلات، لكن خدت قلم غريب".
واستكملت: "لقيت صاحبة جوزي بتكلمني وعايزة تقابلني، وقابلتها في بيروت، وقالتلي إن جوزي واخد منها فلوس وهي محتاجة الفلوس وأمها في المستشفى، فعرضت عليها تكون الماكييرة في الكليب الجديد بتاعي. كان كرم أخلاق مني وإديتها أجرها".
وأضافت:"جوزي كان مصور فوتوغرافي في الكليب، ومش عارف إن صاحبته موجودة، وحصل مشهد درامي رهيب، هي انهارت وهو بقى مصدوم، وحلف إنه ميعرفهاش، وأنا قلت خرجوهم برا وكملت يومي عادي".
وبشأن خيانة زوجها الثاني لها، قالت : كنت راجعة من السفر ودخلت أوضة نومي في بيتي لقيت أشياء نسائية بغرفتي فعرفت أنه بيخونني فانفصلنا بصمت ومدتش للموضوع أي ردة فعل لأنه كان موضوع منتهي من قبلها بالنسبة لي.
آخر أعمال دوللي شاهين
يذكر أن أخر أعمال دوللي شاهين الفنية، مسلسل "المماليك" وشاركها البطولة كلا من رانيا يوسف، بيومي فؤاد، نانسي صلاح وفيدرا ورامي وحيد، من تأليف هشام هلال، وإخراج حازم فودة.
