ياسمين صبري تكشف عن مخاوفها و طريقتها في التعامل مع الشائعات
كشفت الفنانة ياسمين صبري خلال لقائها بالإعلامية إسعاد يونس في برنامج"صاحبة السعادة" الذي يذاع على قناة dmc عن أكثر شئ يخيفها .
وقالت ياسمين صبري خلال اللقاء: بخاف من الضلمة، ومبحبهاش لأن بحس إن هي مجهولة، ومش بتفرج على أفلام رعب أبدًا ولما بشوفها بقلب بسرعة، ولا بشوف حوادث أو فيديوهات مأساوية، وبشوفي اللي أنا عايزاه.
وتابعت: أي مطب كف إيدي بيعرق، ولما بكون على جبال أو في حاجة عالية، باخد نفس طالع داخل عشان أهدا، ومش عايزة اكسر حاجز فوبيا المرتفعات.
وتحدثت ياسمين عن الشائعات التي تلاحقها، قائلة: "من ساعة من إتشهرت وإتعلمت بدري إن الإشاعات جزء من الشهرة، سواء بسبب فضول الناس واهتمامهم أو حب أو عدم حب".
وواصلت : "طريقة تعاملي مع الإشاعات إني معملش أي رد فعل، لإن كل حاجة لها نهاية حتى التريند، والرد بيطول عمر الإشاعة ويكبر الموجة".
وأوضحت : "في ناس تحب تكون دايما شاغلة الناس، وأنا شخصية الحمد لله عندي اكتفاء جوايا ومش بدور إزاي أشغل الناس، ويمكن ده اللي خلى عمري أطول في مجالي، والشخص لما يحاول يكون موجود دايما بيحرق نفسه، والناس بتحس إنه عايزهم يتكلموا عنه".
آخر أعمال ياسمين صبري
يذكر أن آخر أعمال ياسمين صبري، مسلسل فرصة تانية، الذي عُرض في موسم رمضان 2020، وشاركها في البطولة العديد من الفنانين، أبرزهم الفنان أحمد مجدي، الفنانة هبة مجدي، دياب ومحمود البزاوي، والعمل من تأليف مصطفى جمال هاشم، ومن إخراج مرقس عادل.
