تعبت من الافتراء.. رسالة غامضة من ريهام سعيد تُثير التساؤلات

تصدرت الإعلامية المعتزلة ريهام سعيد تريند جوجل في مصر بعد مشاركه متابعيها رسالة غامضة عبر حسابها بموقع التواصل الاجتماعي إنستجرام.

كل ذنبي أني نجحت

وكتبت ريهام: "حسبي الله ونعم والوكيل في كل مفتري وفي كل أفاق ساهم أنه يقضي علي مجهود ناس استمر لسنين طويلة، حسبي الله ونعم الوكيل في كل واحد ساهم أنه يصدر فكره غلط عني وعن شخصيتي، حسبي الله ونعم الوكيل في كل واحد جاب سيأتي عشان يشدني لمشكلة وأطلع في الآخر بتاعت مشاكل لما يكون ليه رد فعل، حسبي الله ونعم الوكيل في كل واحد غلط فيه من غير سبب عشان كل ذنبي أني نجحت".

وتابعت: "حسبي الله ونعم الوكيل في كل واحد وقفت جنبه واتخلي عني في وقت شده وعارفاهم بالاسم ومش هانس، حسبي الله ونعم الوكيل في كل واحد ما يعرفنيش وقال كلمة وحشة عني، حسبي الله ونعم الوكيل في كل صحفي كتب خبر في عز أزمتي عشان يقضي على شغلي واسمي، حسبي الله ونعم الوكيل في الي اتسبب أن أطفال ماتت كل ما كان البرنامج بيقف، حسبي الله ونعم الوكيل في كل واحد كتب بوست شتيمه عن جهل لما سمع وماشافش المهم أن كل دول فاهمين أنهم انتصروا غلطانين".

سبت ابني عنده شهر من غير رضاعه

كما هاجمت ريهام سعيد من تسببوا في حبسها: "أنا صحيح اعتزلت لكن انتوا كل يوم بتعرفوني قد ايه أنا ناجحة ومهمة و شاطرة، عرفتوني قيمة الحياة الحقيقية وهي الزوج و العيله والأولاد عرفتوني أن المتعة الحقيقية في طاعة الله وعبادته شكرا لكن اوعوا تستهونوا بحسبي الله ونعم الوكيل والله الحق راجع والأذى راجع تالت و متلت.اما بقي الي رماني في السجن ظلم ده حسابه عند ربنا عسير انا ام سبت ابني عنده شهر من غير رضاعه من غير ما أعمل أي حاجه".

ماعنديش ضهر ولا علاقات

وأضحت:"كتبت الكلام ده لأني تعبت من الافتراء اللي في كل حتة والمصلحنجية فص ملح وداب والناس اللي كسبت من ورايا ملايين ورموني في الاخر وخربوا بيتي وسرقوا صفحتي اللي عليها 15 مليون.. عارفة أن ماعنديش ضهر ولا علاقات ولا نفوذ ولا حد واقف جنبي مع اني وقفت جنب ناس كتير لكن ليا رب اسمه الكريم العادل".

واستكملت: "كل اللي افترى عليا يا رب تصحي من النوم تلاقي الصراصير ماشيه على وشك زي ما تكون في قبرك، وتفضل محبوس أيام مش عارف النهار من الليل في مكان، أن شاء الله يحصل لك زي ما حصل لي عشان تعرف إني أقوي من أي حد، وباذن الله ربنا يعرفك إنك ظالم في جهنم أن شاء الله".

عمري راح بخدم غيري

وواصلت: "عارفه إن معنديش ضهر ولا علاقات ولا نفوذ ولا حد واقف جنبي، مع إني وقفت جنب ناس كتير، لكن ليا رب اسمه الكريم العادل، أنا ولا أخدت صور من على موبايل ولا شتمت تخان ولا خطفت حد ولا خليت التعلب يعيط، أنا كنت في منتهي المهنية وتعبت أوي، عمري راح بخدم غيري وبخدم الناس اللي مش بترد عليه دلوقتي".

كل تهمتي إني نجحت

واختتمت رسالتها: "أنا فخورة إني مش بوشين، حبيت بلدي أوي، دائما كنت بقول الحق، يكفيني إن محدش عرف يحقق اللي أنا حققته من غير واسطة ولا إمكانيات، أنا بتحارب بقالي ٦ سنين ولسه بتحارب بشدة في كل حتة، حتى في التمثيل معرفش ليه ومن مين، كل مره يموتوني فيها كنت بقوم عشان أولادي، عشان تعبي، وعشان الحق، يا رب يا رب يا رب أشوف حقي راجع من كل اللي ظلمني قبل ما أموت، برنامجي كان السابع على العالم، كل تهمتي إني نجحت، أنا اسفة".