للمرة الأولى.. مصطفى فهمي يكشف سبب انفصاله عن فاتن موسى
كشف الفنان مصطفى فهمي، للمرة الأولى سبب انفصاله عن زوجته السابقة، الإعلامية فاتن موسى.
وقال مصطفى فهمي في لقاء برنامج "الحكاية"، الذي يقدمه الإعلامي عمرو أديب:" أنا بشوف الطلاق دا حاجة صحية، لإن أنا النهاردة لو في خلافات مستمرة بيني وبين الطرف التاني كمان في ضغط عصبي فالطلاق مشروع لما بتوصل للمرحلة خلاص انت مش قادر تتعايش مع الشخص اللي قدامك فاخلاص امشي".
وتابع:" أنا اتجوزت فاتن لمدة 4 سنوات، في أول سنتين كان فيهم خلافات طبيعية بين الأـزواج في طريق لبسها كانت خلافات عادية، وابتدت تزيد الخلافات بعد كدا وأصبحت خلافات مستمرة، على طول في جذب وشد".
وأضاف: " طبعا الناس كانوا بيشوفوا صورنا على السوشيال ميديا يقولوا أن إحنا في القمة السعادة ، في مراكب وسفر دا مش شرط يكون واقع، وآخر سنتين كان فيهم تصادم مستمر بنطلع وننزل وهكذا".
وأوضح مصطفى فهمي " لحد القشة الأخيرة لما وصلت لمرحلة إني مش قادر أكمل ودا كان بسبب مشكلة قبل السفر إن إحنا هنروح لبنان عشان نحضر خطوبة أختها، وأنا قررت أن أنا مش هسافر، أخوها كان قعد عندي بقاله أسبوع، قولتلها أنا مش هسافر، لكن إزاى بقا، فاقامت العركة والخناقة واشتدت جدا والصوت على وعملنا خناقة كبيرة".
وتابع:" أخوها قال كدا مش هينفع وانزلوا أطلقوا، فقالت أنا مش هطلق وأنا اللي هاخد القرار فقولتلها هي بقت كدا، فأنا قررت أطلاقها بيني وبين نفسي".
واستكمل :"قالت إني غدرت بيها، لا هي عارفة إني هطلقها وهي عارفة و الغدر اللي بيحصل هو الغدر اللي بيحصلي دلوقتي من تشهير على مواقع التواصل الاجتماعي وسب وقذف على المواقع الفنية".
