أحمد فلوكس يهاجم هاني شاكر بسبب مطربي المهرجانات: فاكر الرئاسة بالمنع والشطب
هاجم الفنان أحمد فلوكس المطرب هاني شاكر نقيب المهن الموسيقية، بعد صدور قرار منع مطربي المهرجانات من الغناء في مصر.
وكتب أحمد فلوكس عبر حسابه الشخصي بموقع التواصل الاجتماعي فيسبوك:" لما كتبت بوست نجيب وهاني شاكر هايطلعوا بره، وهايشتغلوا واسمهم مصريين، فبدل ما تمنعوا، جمعهم وقومهم ووجههم صح، واستخدمهم لإرسال رسالة هادفة لجمهورهم الكبير وارتفع بيهم هما وجمهورهم لدرجة صحيحة".
وظهر الغضب على أحمد فلوكس حيث تابع منشوره كاتبا:"لكن طبعًا لأن كل النقابات ناس لا تصلح، وعبارة عن ميغا للانتفاع، وأستاذ هاني ما شاء الله، فاكر الرياسة هي المنع والشطب، واللي أتاحتوا الحقيقة حاجة يعني ولا ليها علاقة بأي حاجة غير الانتفاع، وده كله حال أغلب النقابات".
واستكمل فلوكس:"فبالتالي كل ده حصل، ولسه اتفرجو إيه اللي هيحصل، لأن الاسواء لسه مجاش، وبالمناسبة مش بس النقابات الفنية علشان محدش يزايد، لا نقابات كتيرة، حتى نقابة عمال الغزل والنسيج، اللي راحوا أجروا أهم سينما في شبران اللي غني عليها أم كلثوم، وجمال عبد الناصر قال خطبه شهيرة هناك".
و أضاف:"أجروا لناس عملوا قاعات أفراح فيها، وبدل ما يعملوا حاجة تفيد أهالي شبرا بقت قاعة أفراح، وبميت ألف جنيه في الشهر، يعني هبل بس، سينما مودرن".
واختتم :" يا أستاذ هاني ماتتكلمش بالوطنية وقدسية البلد، وأنت لسه راجع من تركيا في إجازة، اللي عاوز يصلح يصلح مش يمنع.. سلامو عليكم".
قائمة الممنوعين من الغناء في مصر
أصدرت نقابة الموسيقين قرارا بمنع 20 مطرباً ومؤدي مهرجانات من الغناء في مصر وهم:
- حسن أبو الروس
- حمو بيكا
- حسن شاكوش
- كزبرة وحنجرة
- مسلم
- أبو ليلة
- أحمد قاسم فيلو
- أحمد موزة
- حمو طبخة
- ريشا كوستا و سمارة
- شواحة
- ولاد سليم
- العصابة
- الزعيم
- علاء فيفتى
- فرقة الكعب العالي
- مجدي شطة
- وزة
- شكل
- عمرو حاحا
- عنبه
