بلوجر مصرية تشن هجوما على محمود الليثي.. والأخير يرد: مش هلومك
شنت البلوجر المصرية، مريم سيف هجوماً حاداً على الفنان محمود الليثي، بعد كتابته منشور عبر حسابه الشخصي بـ "فيس بوك" يصف فيه مشاهير مواقع التواصل الاجتماعي بأن ليس لديهم مهنة حقيقية بعد العطل العالمي الذي أصاب أنظمة شركة فيس بوك والمنصات التابعة لها؛واتساب وانستجرام.
وكتبت مريم عبر خاصية القصص المصورة بحسابها الشخصي بموقع تبادل الصور والفيديوهات "إنستجرام":"معلش يا أستاذ محمود الفاضل وأنت كنت إيه لما طلعت واللي شهرك اليوتيوب وبعدها بقيت ممثل؟.. وبعدين متنساش إن الممثلين دلوقتي لما بينطفوا مرة مبيرجعوش تاني وأنت شغلانتك إيه؟ مش قدام الكاميرا زينا ولا إيه؟ ولو الكهربا قطعت بتنطفو أنتو كمان ولا إيه النظام؟".
وأكدت مريم أن البلوجر لهم أهمية ونفع عن الفنانين، واستكملت حديثها :"خلي ممثل كبير يتكلم.. أنا قولت محمود حميدة بيتكلم مثلًا اتخضيت لما لقيته محمود الليثي".
و رد الفنان المصري، محمود الليثي، على هجوم البلوجر مريم سيف عبر استوري حسابه الشخصي بـ"إنستجرام" قائلا :"بصي يا أستاذة ياللي مش عارفك أولًا أنا مغلطش فيكي لشخصك وأنت غلطي فيا.. ثانيًا أنا ليا أصحاب كتير أنفلونسر وأشهر منك بمراحل أخدوا الموضوع بهزار عادي دا لأن فعلًا دي مش شغلانتهم الأساسية".
وتابع:"ثالثًا لو أنت شايفة إن الممثل مش بينفع الناس وأنت بتنفعيهم فدا قلة فهم منك ودا مش هلومك عليه عشان دي حاجات مينفعش نشتريها.. بنتولد بيها".
وأضاف:" رابعًا كونك تقول دا مكنش معاه 10 جنيه يركب مترو وتتريقي على دا.. فدا مصدر فخر ليا إني كنت أمل لشباب كتير إنهم يبدأوا من الصفر وينجحوا.. ورحلة كفاح انبسط إن الناس تعرفها.. خامسًا الفن دا مهنة زيه زي الطب والهندسة ولو حضرتك بتقرأي في التاريخ هتعرفي إنه موجود من يوم ما اتوجدت الحضارة وغير شعوب، عمل ثورات مش مرتبط بالكهرباء زي ما بتقولي".
وانهى الليثي حديثه قائلا:"وأخيرًا لو الأستاذ محمود حميدة شاف كلامك دا كان هيخليكي تعتذري للفن والفنانين كلهم اللي بتقللي من دورهم وكان هيفهمك ازاي تتكلمي بأسلوب راقي عن كدا".
يذكر أن أخر أعمال محمود الليثي مسلسل "بين السما والأرض" والذي تم عرضه في الموسم الرمضاني الماضي بجانب كلا من هاني سلامة،سوسن بدر، درة، محمد لطفي وإلى حانب نخبة من نجوم الفن ومن إخراج محمد جمال العدل.
