”البلد ملهاش دعوة بفلوسك ”..عمرو أديب يهاجم محمد رمضان من جديد
جدد الإعلامي عمرو أديب ،هجومة على الفنان محمد رمضان عبر برنامجه "الحكاية" بـ قناة mbc مصر.
وقام أديب ، بعرض الفيديو الذي أعلن رمضان من خلاله عن التحفظ على أمواله ،وعلق قائلا: " من يومين طلع علينا الفنان محمد رمضان بفيديو غريب تحس كده انه فاكرنا هُبل ولا مبنفهمش ..فاكرنا في عصر مفيهوش راديو ولا تليفزيون مفيهوش جرنان ..مفيهوش حد يتكلم ..مفيش حد بيطلع بيان ..فاكر ان الجمهور اللي بيتفرج عليه مبيعرفش الحقيقة وانه هيقول اللي عايزه والناس تصدق وانتهينا".
وتابع: " للأسف محمد رمضان بقاله مدة كده محدش بيصدقه . السيد رمضان في الفيديو حب يدينا انطباع انه مبيعزش حاجة على بلده وان مصر حطت ايدها على فلوسه ..ان البلد قامت الصبح كانت مزنوقة في قرشين ومصاريفنا كتير وعندنا مشاكل فناخد منين ..ناخد من محمد رمضان ".
وأضاف:"محمد رمضان بيضحك علينا كلنا ويقولك البلد حطت ايدها ع فلوسي وانا رقبتي للبلد ..لاااا ياعم البلد ملهاش دعوة بفلوسك وفي غنى عن فلوسك والبلد عايشة من غير فلوسك ..الفلوس دي يامحمد فلوس الراجل اللي مات ..فلوس تعويض الطيار اللي مات".
وكان محمد رمضان نشر فيديو عبر حسابه الرسمي على موقع "انستجرام" قال فيه : "صحيت النهاردة من النوم على تليفون من البنك ابغلني بأن الدولة تحفظت على أموالي وكان ردي عليه أنا ومالي ولحم كتافي ملك بلدي وملك أهل بلدي اللهم لا أعتراض".
وتابع : "الناس الشعبيين اللي زي حالاتي والفلاحين والصعايدة قد مابيحطوا فلوس في البنك بيشيلو فلوس في بنوكهم .. مستورة.. صباح الخير يامصر".
