تعرف على اسوأ 11 هاتف 2020 بالاسواق المصريه .....الاسعار
إذا كنت تشعر بالرغبة في الحصول على هاتف ذكى جديد فيجب عليك الابتعاد عن هذه الهواتف وفى التقرير التالى سيعرض لكم موقع الاموال قائمة بأسوأ 11 موبايل ممكن تفكر تشتريهم في أخر 2020 .. الموبايلات دي مش الإختيار الأنسب حاليًا .
1- هاتف Alcatel 3L
ليس إختيار مُناسب ؟
- تصميم قديم تقليدي مفيهوش أي عناصر إبهار
- شاشة صغيرة 6.2 بوصة بتصميم النوتش القديم وبحافة سُفلية ضخمة
- دقة الشاشة HD+ ومفيش حساس إضاءه لظبط درجة السطوع
- معالج Helio GP22 ضعيف جدًا في 2020
- سماعة الموبايل صوتها ضعيف جدًا
- بطارية صغيرة نسبياً بحجم 4000 مللي امبير بمنفذ Micro USB 2.0
- كاميرا سيلفي 8 ميجا بيكسل ضعيفة جدًا
- مفيش مكان مُخصص لكارت الميموري
موبايل Alcatel 3L سعره حاليًا في السوق المصري للنسخة الـ64 جيجا مع 4 جيجا رام حوالي 2350 جنية مصري .. الموبايل حاليًا لايعتبر صفحة رابحة تمامًا خاصة مع وجود بداية أحدث وأقوى مثل Infinix Hot 10 وبيقدم بطارية أكبر ومعالج أقوى وبنفس السعر او أقل حاجه بسيطة.
2- Realme C12
ليس إختيار مُناسب ؟
- معالج ضعيف Helio G35
- بطارية ضخمة لكن الشحن بطيء
- تصميم تقليدي مفيش فيه إبهار
- شاشة 6.5 بوصة HD+ فقط
موبايل Realme C12 حاليًا سعره حوالي 2400 جنية مصري للنسخة الـ64 جيجا مع 3 جيجا رام .. موبايل مش مفهوم من ريلمي بصراحة وهي نفسها عندها موبايل أقوى منه بفرق كبير وهو الـRealme C3 وبنفس السعر تقريبًا !
3- Infinix Note 7 Lite
ليس إختيار مُناسب ؟
- شاشة بدقة متواضعه HD+ وكثافة بيكسلات قليلة
- معالج ضعيف جدًا Helio P22
موبايل Note 7 Lite سعره دلوقتي للنسخة الـ128 جيجا مع 4 جيجا رام .. الموبايل موقفه مش لطيف بالنسبة للمنافسين .. ومن انفينكس نفسها هتلاقي Infinix Hot 10 بنفس السعر وبمعالج أقوى بفرق كبير .. او تقدر تزود 100 جنية مصري وهتجيب النسخة الصغيرة من Infinix Note 7 بمعالج أقوى وشحن أسرع.
4- Infinix S5 Pro
ليس إختيار مُناسب ؟
- معالج Helio P35 ضعيف جدًا في الفئة دي
- بطارية صغيرة 4000 مللي وشاحن بطيء ومنفذ Micro USB 2.0
- كاميرا بأداء متواضع جدًا
- شاشة بدقة كويسة لكن سطوع سيء تحت الشمس
موبايل Infinix S5 Pro ده كان مميز جدًا في أنه بـSlider للكاميرا السيلفي وسعره للنسخة الـ64 جيجا مع 4 جيجا رام حوالي 2500 جنية .. الموبايل مازال يباع فى الاسواق وبصراحة ليس منافس تمامًا وفيه نقط سلبية قوية ومعظم المنافسين هيقدموا قيمة أفضل منه وبلاش تروح ورا شكل التصميم بس.
5- Honor 9C
ليس إختيار مُناسب ؟
- بطارية صغيرة وشحن بطيء ومنفذ Micro USB 2.0
- شاشة HD+ عادية ( لكن سطوعها محترم )
- مفيش خدمات جوجل
- معالج بأداء متواضع نسبيًا في الفئة دي
- صوت ضعيف نسبيًا
- كاميرا سيلفي متواضعة جدًا
Honor 9C فيه NFC ودي حاجه تحسبله بصراحة .. الموبايل وقت ما نزل كان بـ3100 جنية ودلوقتي بقى بحوالي 2600 جنية للنسخة الـ64 جيجا مع 4 جيجا رام .. لو انت بتبحث على الخامات والإعتمادية لدى هونر يبقى عندك Honor 9X Lite بخامات وكاميرات جيدة وخدمات جوجل ومساحة تخزين 128 جيجا وسعره 2800 جنية .. أفضل بفرق كبير.
6- Realme C15
ليس إختيار مُناسب ؟
- معالج Helio P35 بأداء ضعيف جدًا
- شاشة HD+
- منفذ شحن قديم Micro USB 2.0
- سعر مرتفع نسبياً
موبايل Realme C15 عمل قلق جامد عند نزوله بسبب سعره الغريب .. النسخة الـ64 جيجا مع 4 جيجا رام بسعر 2650 جنية والنسخة الـ128 جيجا مع 4 جيجا رام بسعر 2950 جنية .. موبايل لايوجد به مميزات او نقاط قوة يمكن البطارية الـ6000 مللي امبير مع الشحن الـ18 وات بس هذه فقط المميزات به.
لايوجد سبب يجعلك تشتري الموبايل الحقيقة وانت ممكن من ريلمي نفسها تجيب Realme C3 او Realme 6i بمميزات أقوى بفرق كبير وبسعر أعلى بفرق بسيط.
7- هاتف Huawei Y8s
ليس إختيار مُناسب ؟
- خامات خارجية من البلاستيك
- مساحة تخزين 64 جيجا بس
موبيل Huawei Y8s سعره حاليًا حوالي 2600 جنية للنسخة الـ64 جيجا مع 4 جيجا رام .. موبايل عادي جدًا في كل حاجه .. بخدمات جوجل .. بس ليه تشتريه وتسيب Honor 9X Lite بسعر قريب وبخامات أفضل ومساحة أكبر ؟
8- هاتف Vivo Y30
ليس إختيار مُناسب ؟
- شاشة HD+ فقط
- خامات خارجية بلاستيك
- معالج Helio P35
- كاميرا متواضعه جدًا سواء أمامية او خلفية
- بطارية ضخمة مع شحن بطيء
موبايل Vivo Y30 سعره حوالي 3000 جنية للنسخة الـ128 جيجا مع 4 جيجا رام .. الحاجه الوحيدة الممتازة فيه هي المساحة الكبيرة .. غير كده الموبايل ضعيف وسط المنافسين .. ولو عايزه حاجه مضمونة من براند ومستقرة ممكن تشوف Galaxy A21s هيكون أفضل منه في نقط كتير أبرزها الكاميرا !
9- Oppo A31
ليس إختيار مُناسب ؟
- خامات بلاستيك مع تصميم قديم
- شاشة بنوتش وبدقة HD+
- معالج Helio P35
- بطارية صغيرة ومنفذ شحن Micrro USB 2.0 وشحن بطيء
- كاميرات بأداء متواضع جدًا
موبايل Oppo A31 ده من أعلى 10 موبايلات مبيعًا في مصر بسبب اسم اوبو فقط لا غير، مفيهوش ميزة واحدة .. سعره للنسخة الـ64 جيجا مع 4 جيجا رام حوالي 3100 جنية والنسخة الـ128 جيجا مع 4 جيجا رام حوالي 3500 جنية.
10- Oppo A53
ليس إختيار مُناسب ؟
- خامات خارجية من البلاستيك
- شاشة HD+ فقط
- معالج سناب دراجون 460 بأداء متواضع جدًا جدًا
- كاميرا خلفية متواضعة جدًا
الموبايل مش وحش بشكل عام مُقارنتًا بالـA31 .. موبايل Oppo A53 سعره للنسخة الـ64 جيجا مع 4 جيجا رام حوالي 3100 جنية والنسخة الـ128 جيجا مع 6 جيجا رام بسعر 3500 جنية.
11- Realme C17
ليس إختيار مُناسب ؟
Realme C17 مش اختيار مناسب لإنه يعتبر هو الـOppo A53 بالظبط لكن فيه عدسة Ultra Wide إضافية ومفيش صوت Stereo والسيلفي أقل لإنه بقى بدقة 8 ميجا بيكسل .. وسعره للنسخة الـ128 جيجا مع 6 جيجا رام حوالي 3400 جنية.
