أمير عيد يهاجم برنامج ”شيخ الحارة و الجريئة” بعد سخريته من حمو بيكا

تصدرت ايناس الدغيدي موقع التواصل الاجتماعي تويتر وأصبحت الاكثر تداولا عليه بعد عرض حلقتها مع مطرب المهرجانات حمو بيكا في برنامج " شيخ الحارة".

وبعد سخرية المخرجة إيناس الدغيدي، من مطرب المهرجانات حمو بيكا خلال استضافته له في برنامج "شيخ الحارة والجريئة" أثارت غضب الكثير من رواد تويتر والمتابعين.

فهاجم نجم فريق كاريوكي أمير عيد، البرنامج من خلال نشر تويته جديدة على حسابه الشخصي، عبر موقع التدوينات القصيرة "تويتر".

وقال أمير، خلال التويته:"شيء مستفز البرامج اللي بتستضيف فنانين المهرجانات ويكلموهم بطريقة استعلائية ويشتغلوا في النغمة بتاعت المحتوي وانت مش مطرب والخ الخ.وكأن باقي الفنانين مثلا بيغنوا الأطلال. المشكلة كلها انهم ناجحين ودي حاجه مضايقاهم عشان مش من حق الغلابة يعملوا فلوس او ينجحوا عشان مش منهم ومش شبهم".

وأضاف:"اي موسيقي جديدة بتاخد وقت عشان تتشكل ويبقي لها قواعد زي الراب في التمنانيات كانو بيقولوا عليهم صيع وسرسجيه والبلوز في العشرينات كانو بيقولوا عليها موسيقي الشيطان.الشيء المشترك انهم غلابه ومخدوش فرصتهم وقرروا يبتكروا ويخلقوا موسيقتهم. بيتهاجموا عشان هما خارج السرب".

وجاءت تعليقات رواد تويتر كالآتى:

-ايناس الدغيدي جايبة واحد تقلل منه طول الحلقة ومدعيين المثالية دول بشفق عليهم بجد.

-إيناس جايبه حمو بيكا وكمية استهتار وسخرية عشان هو غلبان ومش متعلم، حمو بيكا مغني مهرجانات وله جمهوره ، ليه بتجيبوا الناس وتسخروا منهم ؟.

-الراجل محترم و كويس و هى بتهين فيه طول الحلقة ليه السخرية من الناس؟.

يذكر أن برنامج "شيخ الحارة" كانت تقدمه الإعلامية بسمة وهبة، قبل أن يتم إيقافه لمدة شهر من قبل المجلس الأعلى لتنظيم الإعلام برئاسة مكرم محمد أحمد، وتنتقل "وهبة" إلى قناة ON.