أمير طعيمة يهاجم حمو بيكا عبر ”فيس بوك”
هاجم الشاعر الغنائى أمير طعيمة مغنى المهرجانات حمو بيكا،وكتب عبر حسابه بموقع "فيس بوك" "مكنتش هقول رأيى في الهوجة بتاعة المهرجانات لأنى شايف كل الآراء مكررة سواء اللي مع أو اللي ضد وشايف إني أستفيد بوقتي في حاجة أهم، لحد ما شفت البوست المرفق ومش قادر ما اعلقش".
وتابع "فكرة تعميم "المنع" على الجميع فيها ظلم للبعض، اللي أخطائهم قليلة ياخدوا فرصة ونقومهم ولو غلطوا يبقى العقاب تدريجي، خاصة اللىيعندهم أصوات كويسة زي عمر كمال وشاكوش، أما اللي زى الكائن ده"حمو بيكا" وكل من شارك في الأغاني دي، فأنا مع المنع والإيقاف وكمان رفع دعاوي قضائية لأنه مجرم وعار على البشرية قبل الفن".
وأضاف "اللى هتقروه ده لا ليه صلة باختلاف أذواق ولا تنظير ولا حرام وحلال. دي سفالة وقلة أدب.. آخر حاجة: لو واحد مش دكتور وفاتح عيادة بيكسب منها لما بتوفقه عن العمل إنت مش بتقطع عيشه، إنت بتصحح وضع خاطئ وبتحمى الناس من شره".
وأثار قرار نقابة الموسيقيين برئاسة هانى شاكر بمنع أغانى المهرجانات جدلا واسعا عبر السوشيال ميديا بين مؤيد ومعارض للقرار، الأول يرى أن حل الأزمة ليست بالمنع لكن باحتوائهم عن طريق إحدى شعب نقابة الموسيقيين وإرشادهم بالبعد عن الإسفاف، والثانى يؤيد منعهم لما تحتويه أغانيهم من كلمات وصفوها بالدعوة إلى شرب المخدرات والبلطجة والتحرش وزنا المحارم.
